• Exodo 15:24, 25
    Musuq allpa pachapi kawsaqkunapaq biblia

    • 24 Yaku qatqi kasqanraykum Israelpa mirayninkunaqa Moisesmanta rimaspa+ nirqaku: “¿Ima yakutataq tomasunchik?”, nispa. 25 Moisesñataqmi Jehova Diosta qayakurqa,+ Jehova Diosñataqmi taksa sachachata qawaykachirqa. Hinaptinmi chayta yakuman Moises wischuykuptin yakuqa manaña qatqirqachu.

      Chaypim Diosqa huk kamachikuyta qurqa chay kamachikuyman hina kawsakunankupaq, chaypitaqmi Diosqa yachayta munarqa sunqunkupi imayna kasqankuta.+

  • Deuteronomio 8:14, 15
    Musuq allpa pachapi kawsaqkunapaq biblia

    • 14 amam Jehova Diosninchiktaqa hatuntukuspaykichikqa+ qunqarunkichikchu. Payqa Egipto nacionpi runakuna servisqaykichikmantam hurqumusurqankichik.+ 15 Diosqa pusamusurqankichik yakupa mana kanan manchakuypaq chunniqnintam,+ chaypiqa karqam manchakuypaq culebrakunapas chaynataq atuq-atuq* urukunapas. Chayna chaki chunniqpim Diosqa rumimanta achka yakuta tuqyachipamusurqankichik,+