27 ¡Ñawpaq abuelonchikkunapa yupaychasqan Jehova Diosyá hatunchasqa kachun! Paymi kamachiqta kallpancharqa Jerusalen llaqtapi Jehova Diospa wasinta sumaqyachinanpaq.+

7 Kamachiqtaqa nirqanitaqmi: “Kamachiqlláy, Eufrates mayupa inti siqaykunan+ lawpi kamachiqkunamanyá cartakunata apachiway, chaynapi Juda llaqtakama hawkalla chayanaypaq. 8 Cartataqa apachiwaytaqyá sachaykikunata cuidaq Asafmanpas qirukunata quwananpaq. Chaywanmi ruwachisaq soldadokunapa wasinpa punkunta*,+ llaqtapa murallankunata+ hinaspa yachanay* wasita”, nispa. Kuyakuq Dios yanapawaptinmi+ kamachiq Artajerjesqa cartakunata quwarqa.+