• Isaias 35:10
    Musuq allpa pachapi kawsaqkunapaq biblia

    • 10 Sasachakuymanta Jehova Diospa libraykusqan kaqkunaqa kutimunqakum.+

      Kusikuymanta qaparistinmi Sionman hamunqaku.+

      Wiñaypaq kusikuymi corona hina umanpi kanqa.+

      Kusisqallañam kanqaku, asi-asillañam kanqaku.

      Hukmanyaywan llakikuyqa manañam kanqañachu.+

  • Isaias 61:7
    Musuq allpa pachapi kawsaqkunapaq biblia

    •  7 Pinqaypi kanaykichikmantaqa chaskisqaykichikmanta huk chaynatawanraqmi chaskinkichik,

      pinqaypi kanankumantaqa runaykunaqa chaskisqankumantam kusikuymanta qaparinqaku.

      Arí, paykunaqa allpankupim chaskisqankumanta huk chaynatawan chaskinqaku.+

      Paykunaqa wiña-wiñaypaqmi kusisqa kanqaku.+

  • Jeremias 33:10, 11
    Musuq allpa pachapi kawsaqkunapaq biblia

    • 10 Jehova Diosqa nintaqmi: ‘Kay llaqtamantam ninkichik: “Mana runayuqmi hinaspa mana animalniyuqmi chunnichkan”, nispa. Arí, Judapi llaqtakunawan Jerusalen llaqtaqa chunnichkanmi, chay llaqtakunaqa kachkan mana runayuq chaynataq mana animalniyuqmi. Ichaqa kay llaqtapim kaqmanta uyarikunqa 11 kusikuymanta qaparisqanku hinaspa kusisqallaña kasqanku.+ Noviopawan noviapa rimasqanmi uyarikunqa, uyarikunqataqmi kayna nisqankupas: “¡Angelkunata kamachiq Jehova Diostayá agradecekuychik, Jehova Diosqa allin Diosmi,+ imaña kaptinpas wiñaypaq kuyakuqmi!”’, nispa.+

      Jehova Diosqa nintaqmi: ‘Ñuqa Jehova Diospa wasiymanmi apamunqaku agradecekusqankumanta ofrendakunata.+ Qallariypi hinam huklawman apasqakunata kutichimusaq’, nispa.