• Jeremias 2:8
    Musuq allpa pachapi kawsaqkunapaq biblia

    •  8 Sacerdotekunaqa manam nirqakuchu: ‘¿Maytaq Jehova Diosqa?’,+ nispaqa.

      Kamachikuymanta yachaqkunapas manam riqsiwarqachu,

      kamachiqkunapas manam kasuwarqachu,+

      ñuqamanta willakuqkunapas* Baalmantañam willakurqaku,+

      hinaspam mana imapas ruwaq taytacha-mamachakunata yupaycharqaku.

  • Jeremias 8:10-12
    Musuq allpa pachapi kawsaqkunapaq biblia

    • 10 Warminkutapas chayraykum huk runakunamanña qusaq,

      allpankutapas chayraykum huk runakunamanña qusaq,+

      paykunaqa hatunpas uchuypas kikillankupaq munaqmi kanku,+

      willakuqkunapas chaynataq sacerdotekunapas llapallankum suwakunku.+

      11 Llaqtaypa wawan unquchkaptinmi yanqa hampiqtukuchkanku,

      mana hawkayay kachkaptinmi

      “¡hawkam kachkanchik! ¡Allinmi kachkanchik!” nichkanku.+

      12 ¿Yaqachu paykunaqa millay ruwasqankumanta pinqakunku?

      ¡Manam pinqakunkuchu!

      ¡Pinqakuytapas manam yachankuchu!+

      Chayraykum wakinkuna hina wichinqaku.

      Castigaptiymi urmanqaku’,+ Jehova Diosmi chaynata nin.

  • Miqueas 3:11
    Musuq allpa pachapi kawsaqkunapaq biblia

    • 11 Kamachiqkunapas qullqiraykum pimanpas sayapakunku,+

      sacerdotekunapas* qullqiraykum yachachinku,+

      willakuqtukuqkunapas qullqiraykum qatipanku.+

      Chayna kachkaspankupas Jehova Diospi hapipakuqtukuspam ninku:

      “¿Manachu Jehova Diosqa ñuqanchikwan kachkan?+

      Ñuqanchikmanqa manam ima ñakariypas chayamuwasunchu”, nispa.+