13 Jehova Diosqa Israel runakunaman hinaspa Juda runakunamanmi paymanta willakuqkunawan* hinaspa musquypi hina* qawaqkunawan+ willachirqa: “¡Mana allin ruwasqaykichikta saqispayá kutirikamuwaychik!+ Kamachikuyniykunatawan yachachisqaykunatayá kasukuychik. Tukuy chaykunaqa qillqasqa kachkan ñawpaq abueloykichikkunaman qusqay kamachikuykunapim hinaspa ñuqamanta willakuqkunawan qamkunaman qusqay kamachikuykunapim”, nispa.

15 Ñawpaq abuelonkupa yupaychasqan Jehova Diosqa runankunatawan wasinta llakipayasqanraykum willakuqninkunawan sapa kuti willachirqa.

17 Paykunapaq tukuy imapas ruwasqaykita qunqaruspankum mana kasukuq rikurirurqaku.+ Rumi sunquyaruspankum Egipto nacionman kutikunankupaq kamachiqninkuta akllarurqaku.+ Chaywanpas qamqa manam paykunataqa qipancharqankichu. Qamqa kanki pampachakuq, llakipayakuq, imaña kaptinpas ancha kuyakuq+ hinaspa mana chaylla piñakuruq Diosmi.+

30 Achka watam paykunawanqa mana chaylla piñakuruq karqanki.+ Willachirqankitaqmi qanmanta willakuq runaykikunawanpas. Paykunam ichaqa mana kasukurqakuchu. Chayraykum qamqa chay allpapi yachaq runakunapa makinpi saqirqanki.+

4 Jehova Diosqa paymanta willakuqkunatam achka kutikama kachamurqa, qamkunam ichaqa mana kasukurqankichikchu, manataqmi kaqpaqpas hapirqankichikchu.+