2 Tesalonicenses

3 Wawqi-panillaykuna, chaynaqa ñuqaykupaqyá hinalla Diosta mañakuychik,+ chaynapi Jehova* Diospa palabran apurawman chiqinanpaq+ hinaspa chaskisqaykichikman hina ancha respetowan chaskisqa kananpaq. 2 Mañakuychiktaqyá mana allinniykuta munaqkunamanta hinaspa mana allin runakunamanta+ librasqa kanaykupaqpas, manamiki llapallankuchu Diospiqa iñinku.+ 3 Señorninchikqa rimasqanman hina ruwaqmi, chaymi payqa kallpanchasunkichik, hinaspapas satanasmantam* harkaykusunkichik. 4 Chaymantapas señorninchikpa qatiqnin kasqaykuraykum qamkunamanta mana iskayrayanikuchu imam kamachisqaykuta kasukusqaykichikmantaqa hinaspa hinalla kasukunaykichikmantaqa. 5 Señoryá yanapasunkichik Diosta+ kuyanaykichikpaq hinaspa Cristota* qatipakuspa tukuy imata aguantanaykichikpaq.+

6 Wawqi-panillaykuna, señor Jesucristopa sutinpim kamachimuykiku, mana allin kawsaq wawqi-paninchikkunamanta+ karunchakunaykichikpaq, paykunaqa manam qamkunaman* yachachisqaykuman hinachu kawsachkanku.+ 7 Qamkunaqa yachankichikmi ñuqaykuta qatipakuwanaykikupaq ima ruwayta,+ ñuqaykuqa qamkunawan kaspaykupas allintam kawsakurqaniku. 8 Manam pipa mikuynintapas mana imallapaqqa mikurqanikuchu,+ aswanqa sudorniykupa suturisqanmi tuta-punchaw llamkarqaniku pitapas mana gastachinaykupaq.+ 9 Ñuqaykuqa qatipakuwanaykikutam munaniku,+ chaymi tukuy imata mañakunayku kachkaptinpas+ mana imatapas mañakurqaykikuchu. 10 Qamkunawan kachkaspaykupas kaynatam kamachirqaykiku: “Pipas mana llamkay munaqqa amataqyá mikuchunchu”, nispayku.+ 11 Ñuqaykuqa uyarichkanikum qamkuna ukupi wakinqa mana allin kawsasqankuta,+ paykunas mana imapipas llamkaspanku runakunapa vidanman chapukuchkanku.+ 12 Chay runakunatam señorninchik Jesucristopa sutinpi kamachimuniku hinaspa ruegakamuniku hawkalla llamkanankupaq hinaspa kikinkupa llamkasqankuwan mikunankupaq.+

13 Wawqi-panillaykuna, qamkunayá ichaqa ama amiychikchu allinkuna ruwaytaqa. 14 Sichum kay cartapi nimusqaykuta pipas mana kasukuptinqa, chay runamanta cuidakuychik* hinaspa ama hukllawakuychikchu+ chaynapi pinqakunanpaq. 15 Ichaqa amayá chiqniychikchu, aswanqa hinallayá iñiqmasikichikta hina rimapayaychik.+

16 Hawkalla kaq hinaspa hawkayay qukuq señorninchikyá tukuy tiempo hinaspa tukuy imapipas hawkalla kanaykichikpaq yanapasunkichik.+ Señorninchikyá llapaykichikwan kachun.

17 Ñuqa Pablom makiywanpuni qamkuna kuyasqayta qillqamuykichik,+ kayna qillqamusqa hinaspa kayna letrakunawanmi llapallan cartaykuna qillqasqa kachkan.

18 Señor Jesucristopa ancha kuyakuyninyá* llapallaykichikwan kachun.