Job

1 Uz llaqtapim Job*+ sutiyuq runa yacharqa*. Payqa karqa mana huchallikuqmi, allin kaqkunata ruwaqmi,+ Diosta manchakuqmi hinaspa mana allin ruwaykunamanta karunchakuqmi.+ 2 Paypam karqa qanchis qari churinkuna hinaspa kimsa warmi churinkuna. 3 Karqataqmi 7.000 ovejankunapas, 3.000 camellonkunapas, 1.000 vacankunapas, 500 asnonkunapas* chaynataq achkallay-achka serviqninkunapas. Chaymi Jobqa inti qispimunan lawpi ancha riqsisqa runa rikurirurqa.

4 Qari churinkunam wasinkupi ima punchawpi tupasqanman hina mikuykunata ruwaqku, qayachiqkutaqmi kimsan paninkutapas paykunawan kuska mikuykunankupaq. 5 Mikuykuna ruwasqanku punchawkuna tukuytam Jobqa churinkunata qayachiq Diospaq chuyanchasqa kanankupaq. Chaypaqmi Jobqa tutapayta hatarispan sapa churinmanta Diospaq animalta kañapuq+ kaynata nispan: “Ichapas churiykunaqa imapipas huchallikurunku hinaspa Diosta piñarachinku”, nispa. Jobqa sapa kutim chayta ruwaq.+

6 Huk kutipim Jehova Diospa qayllanman angelkunapa*+ huñunakunanku punchaw chayaramurqa, hinaptinmi satanaspas+ chayman rirqa.+

7 Chaymi Jehova Diosqa satanasta nirqa: “¿Maymantataq hamuchkanki?”, nispa. Satanasñataqmi Jehova Diosta nirqa: “Allpa pachapi tukuy hinastinpi purimusqaymantam”, nispa.+ 8 Chaymi Jehova Diosqa satanasta nirqa: “¿Rikumurqankichu yupaychawaqniy Jobta? Pay hinaqa manam pipas allpa pachapiqa kanchu. Payqa mana huchallikuqmi, allin kaqkunata ruwaqmi,+ ñuqa Diosta manchakuwaqniymi hinaspa mana allin ruwaykunamanta karunchakuqmi”, nispa. 9 Hinaptinmi satanasqa Jehova Diosta nirqa: “¿Yaqachu Jobqa mana imallapaq qamta manchakusunkiman*?+ 10 ¿Manachu qamqa qinchawan hina qincharuspayki payta, wasinpi kaqkunata hinaspa tukuy kapuqninkunatapas waqaychachkanki?+ Llamkasqanpipas yanapachkankim,+ animalninkunatapas achka-achkamanmi mirachichkanki. 11 Sichu tukuy ima kapuqninkunata qichurunki, hinaptinqa uyaykipipunim ñakasunki”, nispa. 12 Chaymi Jehova Diosqa satanasta nirqa: “Makikipim tukuy imankunapas kachkan, munasqaykitayá ruwaramuy. ¡Paytam ichaqa ama imanankichu!”, nispa. Hinaptinmi satanasqa Jehova Diospa qayllanmanta lluqsirqa.+

13 Huk punchawmi Jobpa churinkuna qaripas hinaspa warmipas piwi* churinpa wasinpi mikuchkarqaku hinaspa vinota tomachkarqaku.+ 14 Hinaptinmi chay punchawlla willakuq huk runa chayaramuspan Jobta nirqa: “Torokunawan yapuchkaptiykum, asnokunapas hichpaykupi mikuchkaptinmi 15 Saba nacionniyuq runakuna chayaramuspa llapallan animalnikikunata qatikunku, michiqkunatapas wañurachinkum. Ñuqallañam lluptiramuni qanman willanaypaq”, nispa.

16 Manaraqpas willakuyta tukuykuchkaptinmi huk willakuqpas chayaramuspan nirqa: “¡Hanaq pachamanta Diospa ninan wichiykamuspanmi llapallan ovejaykikunata michiqkunatawan kuskata ruparun. Ñuqallañam lluptiramuni qanman willanaypaq!”, nispa.

17 Manaraqpas willakuyta tukuykuchkaptinmi huk willakuqpas chayaramuspan nirqa: “Caldea+ runakunam kimsaman rakinakuruspa llapallan camelloykikunata qatikunku, michiqkunatapas wañurachinkum. Ñuqallañam lluptiramuni qanman willanaypaq”, nispa.

18 Manaraqpas willakuyta tukuykuchkaptinmi huk willakuqpas chayaramuspan nirqa: “Piwi churikipa wasinpim qaripas warmipas churikikuna mikuchkarqaku hinaspa vinota tomachkarqaku, 19 hinaptinmi qunqayllamanta nisyu wayra chunniq lawmanta qispiramuspan wasita tuñirachiptin llapallan churikikuna wañurunku. Ñuqallañam lluptiramuni qanman willanaypaq”, nispa.

20 Chaymi Jobqa llumpayta hukmanyaruspan pachantapas llikikurqa, chukchantapas kachiy-kachiyta rutukuspanmi qunquranpa pampaman kumuykuspan 21 nirqa:

Jehova Diosmi tukuy imata quwarqa,+ Jehova Diostaqmi qichuruwanpas.

Jehova Diospa sutinqa hinallayá hatunchasqa kachun”, nispa.

22 Chay nisqankunawanqa Jobqa manam huchallikurqachu, manataqmi chayna sasachakuypi kasqanmantaqa Diosmanpas tumparqachu.