Genesis

4 Adanmi warmin Evawan puñurqa, chaymi Evaqa wiksayakururqa.+ Hinaspam Cainta wachakuruspan+ nirqa: “Jehova Diospa yanapakuyninwanmi qari wawata wachakuruni”, nispa. 2 Chaymantañataqmi Evaqa Cainpa wawqin Abelta wachakurqa.+

Abelqa karqa oveja michiqmi, Cainñataqmi chakrapi llamkaq. 3 Watakunapa risqanman hinam Cainqa tarpusqanmanta wakinta Jehova Diosman qurqa. 4 Abelñataqmi qurqa punta naceq wiran ovejankunata.+ Jehova Diosqa Abeltam allinpaq qawarqa, chaymi qusqantapas* chaskirqa.+ 5 Caintam ichaqa mana allinpaqchu qawarqa, qusqantapas manam chaskirqachu. Chaymi Cainqa llumpayta piñakuruspan hukmanyarurqa. 6 Hinaptinmi Jehova Diosqa Cainta nirqa: “¿Imanasqataq llumpayta piñakuruspayki hukmanyarunki? 7 Allin kaqta ruwaptikiqa ¿manachu chaskikiman? Allin kaqta mana ruwaptikim ichaqa hucha hichpallaykipiña kanqa wichirachisunaykipaq. ¿Icha atiwaqchu chay hucha atipayta?”, nispa.

8 Chaymantam Cainqa wawqin Abelta nirqa: “Hakuchik purikuq”, nispa. Hinaptinmi chakrapi kachkaptinku Cainqa wawqin Abelta qunqaymanta wañurachirqa.+ 9 Chaymi Jehova Diosqa Cainta tapurqa: “¿Maypitaq kachkan wawqiki Abelqa?”, nispa. Cainñataqmi nirqa: “Maypichá, ¿ñuqaqa wawqiypa qipanpi puriqchu kani?”, nispa. 10 Hinaptinmi Dios nirqa: “¿Imatam ruwarunki? Wawqikipa yawarninmi allpamanta qayamuwachkan.+ 11 Wawqikipa yawarnin usuchisqaykita allpa suqurusqanraykum ñakasqa kanki, hinaspam kay allpamanta qarqusqa kanki.+ 12 Tarpusqaykipas manam rurunqachu, pakan-pakanllataqmi kaypi-chaypi purinkipas”, nispa. 13 Hinaptinmi Cainqa Jehova Diosta nirqa: “Mana allin ruwasqaymanta ñakawasqaykiqa llumpaymi ñuqapaqqa. 14 Kunanmi kay allpamanta qarquwachkanki, qampa manaña rikuwasqaykim kasaq. Pakan-pakanllachiki kaypi-chaypi purisaq, pipas tariruwaspanqa wañurachiwanqachá”, nispa. 15 Chaymi Jehova Diosqa nirqa: “Cainta pipas wañurachiqqa, qanchis kutikama ñakasqa kaspanmi ñakarinqa”, nispa.

Chaynata nispanmi Jehova Diosqa nichkarqa Cainta tariruspaqa pipas mana wañurachinanpaq. 16 Chaymantam Cainqa Jehova Dioswan rimayta tukuruspan pasakurqa Nod lawpi yachananpaq*, chayqa karqa Eden huertapa inti qispimunan lawpim.+

17 Cainmi warminwan+ puñurqa, hinaptinmi warminqa wiksayakuruspan Enocta wachakurqa. Chaymantam Cainqa llaqtata hatarichirqa, hinaspam chay llaqtata suticharqa churinpa sutinwan. 18 Enocpa churinmi karqa Irad, Iradpa churinñataqmi karqa Meujael, Meujaelpa churintañaqmi karqa Metusael, Metusaelpa churinñataqmi karqa Lamec.

19 Lamecqa iskay warmiyuqmi karqa. Hukninpa sutinmi karqa Ada, hukninpa sutinñataqmi karqa Zila. 20 Ada sutiyuq warminmi wachakurqa Jabalta, paymi pimantapas puntata carpakunapi yachaspan animal uywayta qallaykurqa. 21 Wawqinpa sutinñataqmi karqa Jubal, paymi pimantapas puntata arpata tocarqa hinaspa quenata* waqachirqa. 22 Zilam wachakurqa Tubal-cainta, payqa llamkanapaq kaqkunatam ruwarqa broncemanta hinaspa fierromanta. Tubal-cainpa paninpa sutinmi karqa Naama. 23 Lamecmi Ada hinaspa Zila sutiyuq warminkunata nirqa:

25 Adanmi yapamanta warminwan puñurqa, hinaptinmi warminqa qari wawata wachakurqa. Chay wawantam Setwan* suticharqa,+ chaynataqa suticharqa: “Abelta Cain wañurachisqanraykum+ Diosqa Abelpa rantinpi huk wawatawan quykullawan”, nispam. 26 Setpapas karqam qari churin, paytam suticharqa Enoswan.+ Chay punchawkunapim runakunaqa Jehova Diospa sutinta rimayta qallaykurqaku.