Apocalipsis

1 Tukuy kay willakuykunaqa Jesucristopa revelasqanmi*.+ Paymi tukuy kaykunataqa Diosmanta chaskirqa pisi tiempollamantaña imakuna pasakunanmanta Diospa serviqninkunaman+ willananpaq, Jesucristom angelninta kachamurqa hamuq tiempopi imakuna pasakunanmanta Diosta serviq Juanman* musquypi hina* qawachinanpaq,+ 2 Juanñataqmi willakurqa Diospa palabranmanta, Jesucristopa willakusqanmanta hinaspa tukuy ima rikusqanmanta. 3 Mayna kusisqam kanku hamuq tiempopi imapas kananmanta willakuykunata kallpawan leeqkunaqa hinaspa uyariqkunaqa chaynataq kaypi qillqasqa kaqkunata kasukuqkunaqa.+ Diospa akllasqan tiempoqa hichpallañam kachkan.

4 Ñuqa Juanmi, Asia lawpi qanchis hawaqpi huñunakuq iñiqkunaman+ qillqamuykichik:

Ancha kuyakuynintawan* hawkayaynintayá chaskiychik “ñawpaq kaq, kunan kaq chaynataq hamuq kaqmanta”+ hinaspa trononpa ñawpaqninpi qanchis espiritukunamanta+ 5 chaynataq Jesucristomanta. Jesucristoqa “confianapaq allin testigom”,+ payqa “wañuqkunamanta punta kawsarimuqmi”+ hinaspa “kay pachapi llapallan kamachiqkunapa kamachiqninmi”.+

Paymi kuyawaqninchikqa+ hinaspa kikinpa yawarninwan huchanchikmanta librawaqninchikqa,+ 6 paymi churaykuwanchik kamachiqkuna+ hinaspa sacerdotekuna*+ kaspa taytanta hinaspa Diosninta servinanchikpaq. Payqa wiña-wiñaypaqyá hatunchasqa hinaspa atiyniyuq kachun. Chaynayá kachun*.

7 Payqa puyukunapa+ chawpintam hamunqa. Llapallan runakunam rikunqa, rikunqakutaqmi tuksiqnin runakunapas. Payraykum kay pachapi llapallan kastakunapas llakiwan kaspanku qasqunkuta takakunqaku.+ Arí, chaynamá kanqa. Chaynayá kachun*.

8 Jehova* Diosmi nin: “Ñuqam kani qallariypas chaynataq tukuyninpas*,+ ñuqataqmi kani ñawpaq kaqpas, kunan kaqpas, hamuq kaqpas. Ñuqaqa kani tukuy atiyniyuq Diosmi”, nispa.+

9 Ñuqa wawqikichik Juanmi Jesuspa qatiqnin kasqayrayku+ kani ñakariqmasikichik,+ kamachiqmasikichik+ hinaspa sasachakuykunata aguantaqmasikichik,+ ñuqam Diosmanta hinaspa Jesusmanta willakusqayrayku Patmos islapi karqani. 10 Chuya espiritupa* yanapakuyninwanmi señorpa punchawninpi rikuriruspay uyarirqani qipaypi kallpawan rimamuqta, chay rimasqanmi karqa cornetillapa waqasqan hina, 11 kaynatam nirqa: “Qawasqaykikunata qillqay wankukuq qillqapi, hinaspayá apachiy qanchis hawaqpi huñunakuq iñiqkunaman, paykunaqa kachkanku Efeso llaqtapi,+ Esmirna llaqtapi,+ Pergamo llaqtapi,+ Tiatira llaqtapi,+ Sardis llaqtapi,+ Filadelfia llaqtapi+ hinaspa Laodicea llaqtapim”,+ nispa.

12 Hinaptinmi muyuriykurqani rimapayawaqniy pi kasqanta yachanaypaq, chaymi muyuriykuspay rikururqani qurimanta qanchis candelabrokunata,+ 13 chay candelabrokunapa chawpinpiñataqmi kachkasqa runapa churinman rikchakuq,+ payqa kachkasqa chaki puntankama pachayuqmi, qasqunñataqmi kasqa qurimanta chumpiwan watasqa. 14 Chukchanpas yuraq-yuraqmi kasqa, yuraq millwa hina chaynataq riti hina, ñawinpas kasqa rawrachkaq nina hinam,+ 15 chakinkunapas kasqa hornopi llipipipichkaq bronce hinaraqmi,+ rimasqanpas uyarikurqa achkallay-achka yakupa qapariynin hinaraqmi. 16 Alliq* makinpiñataqmi kasqa qanchis lucerokuna,+ siminmantañataqmi lluqsimusqa iskay lawnin filoyuq hatun espada,+ uyanpas chawpi punchawpi intipa kanchaynin hinaraqmi kancharisqa.+ 17 Chaymi rikuruspay ñawpaqninman wañusqa hina wichiykurqani.

Hinaptinmi alliq makinta hawayman churaykuwaspan niwarqa: “Ama manchakuychu, ñuqam kani punta kaqpas+ chaynataq qipa kaqpas,+ 18 ñuqataqmi kani kawsaqpas,+ ñuqaqa wañusqam karqani,+ kunanmi ichaqa wiña-wiñaypaq kawsachkani,+ ñuqapa makiypim kachkan wañuypa hinaspa wañusqakunapa kasqanpa* llavenkunapas.+ 19 Chayraykuyá qillqay kay rikusqaykikunata, qillqaytaqyá kunan imakuna pasakunanmanta chaynataq hamuq tiempopi imakuna kananmantapas. 20 Alliq lawniypi rikusqayki qanchis lucerokunawan qurimanta qanchis candelabrokunaqa Diospa kaq pakasqa kaqkunam, chaykunapa imam ninanqa kaymi: Qanchis lucerokunaqa tupan qanchis hawaqpi huñunakuq iñiqkunaman willaq angelkunawanmi, qanchis candelabrokunañataqmi tupan qanchis hawaqpi huñunakuq iñiqkunawan.+