15 kaq yachachikuy

Runata yanapay Diospa munaynin rurananpaq

¿Imanasqam rimanayki yachasqaykimanta? (1)

¿Pikunamanmi kay sumaq willakuykunata willawaq? (2)

¿Imaynatam kawsayniyki hukkunata yanapanman? (2)

¿Haykapim congregacionniykiwan predicawaq? (3)

1. Achkatañam yachanki Bibliamanta allinkunata. Kay yachasqaykim yanapasunayki kawsayniykipi allin cristiano kanaykipaq. (Efesios 4:22-24.) Chay yachaywanmi wiñay kawsayta chaskinki. (Juan 17:3.) Runamasiykipas salvakunanpaqqa uyarinanmi sumaq willaykunamanta. Llapankum cheqap cristianokunaqa predicananku. Diospa kamachisqanmi. (Romanos 10:10; 1 Corintios 9:16; 1 Timoteo 4:16.)

2. Willawaqmi hukkunaman allinkuna yachasqaykimanta. Willay familiaykiman, amigoykikunaman, llamkanapi, escuelapi compañeroykikunamanpas. Sumaqta pacienciawan willay. (2 Timoteo 2:24, 25.) Imayna kawsasqaykitam runaqa qawanqa rimasqaykimantaqa. Chaymi, kawsayniyki allin kaptinqa hukkunapas uyarinqa mensaje willasqaykita. (Mateo 5:16; 1 Pedro 3:1, 2, 16.)

3. Tiempopa risqanman hinachá huñunakusqayki congregacionpi Jehovapa testigonkunawan kuska predicanaykipaq requisitokunata huntanki. Kayqa allinmi Diosta serviypi wiñanaykipaq. (Mateo 24:14.) ¡Ancha kusikuychá kanman yanapasqaykiwan hukkunapas Diosta servispa wiñay kawsayta chaskiptinkuqa! (1 Tesalonicenses 2:19, 20.)