Ama amispayá suyasunchik

¿Hayka watataq Jesusña kay pachata kamachinanta suyachkanchik? ¿Mana amispachu chayta suyachkanchik? (Ro 8:25). Wakin iñiqmasinchikkunam sasachakunku chiqnisqa, maqapasqa hinaspa presochasqa kasqankuwan. Wakinñataqmi sasachakunku unqusqankurayku utaq machu-payayarusqankurayku.

Ima sasachakuypiña kaspapas Diospa nisqankuna ruwakunantam hinalla suyananchik. Chaypaqqa sapa punchawmi bibliata ñawinchananchik hinaspa Diospa tukuy ima ruwananpi yuyaymanananchik (2Co 4:16-18; Heb 12:2). Jehova Diostapas mañakunanchikmi chuya espiritunwan yanapaykuwananchikpaq (Lc 11:10, 13; Heb 5:7). Arí, Diosqa tukuy rikchaq sasachakuyninchikpim yanapawasun (Col 1:11).

AMA PISIPARUSPAYÁ KALLPASUN PREMIO CHASKINANCHIKMANTA MANA ISKAYRAYASPA NIQ VIDEOTA QAWARUSPA KAY TAPUKUYKUNATA KUTICHIY:

• 

  ¿Ima sasachakuykunapitaq qunqayllamanta tarikuchwan? (Ec 9:11, 12).

• 

  ¿Imaynatam Diosta mañakuyqa yanapawanchik sasachakuykunata atipanapaq?

• 

  Imakuna ruway mana atisqanchikkunapi piensanamantaqa ¿imanasqataq ancha allin ruway atisqallanchikkunapi piensayqa?

• 

  ¿Imataq yanapawachwan Diospa nisqankuna ruwakunanmanta mana iskayrayanapaq?