¿Wakillantachu Dios unancharqa?

Wakin runakunam ninku: “Manam Dioschu tukuy imataqa unancharqa”, nispa. Ninkutaqmi Diosqa yanqa-yanqallata imatapas ruwarusqanmanta, chaymantañas tukuy imapas rikurimusqa. Ichaqa manam chaynatachu bibliaqa niwanchik, aswanqa niwanchikmi tukuy imata Dios unanchasqanmanta, animalkunatapas kastanman hina,a plantakunatapas rurunman hina hinaspa runatapas (Genesis 1:12, 21, 25, 27, Chuya Qellqa, CQ; Apocalipsis 4:11). Bibliaqa nintaqmi runakunaqa Adanpa hinaspa Evapa miraynin kasqanchiktapas (Genesis 3:20; 4:1, CQ). Chaymi bibliapa nisqanqa mana tupanchu “manam Dioschu tukuy imataqa unancharqa” nisqankuwanqa. Ichaqa tupanmi yachaysapa runakunapa “huk kastallamanta kaq animalkunapas manam chaynallachu” nisqankuwan.b

• ¿Ima ninkutaq wakin runakunaqa?

• Tukuy imapas kikillanmantam rikurimurqa nisqankuqa, ¿bibliapa nisqanwan tupanchu?

• Wakin animalchakunata mana armasqan lawman aparuptinchikqa amañanankamam tulluyanraq utaq pelonpas chustikunraq, ¿chayraykuchu nichwan imapas kikillanmanta rikurisqanta?

“Manam Dioschu tukuy imataqa unancharqa” niqkunaqa ninkum: “Diosqa iskay-kimsallatam imatapas unancharurqa, chaymantaqa kikillanmantaña imapas rikurinanpaqmi saqirqa”, nispa.

Ninkutaqmi:

• Ima animalkunapas utaq ima kawsaypas mirasqankuman hina hukniraqchaña kasqanta.

• Ima animalpas tiempopa risqanman hina huk animalpiña rikurisqanta, ninkum runapas monomanta rikurisqanchikta.

• Tukuy imapas kikillanmanta rikurinanpaq Dios unanchasqanmanta.

Manam. Chay nisqanku chiqap kaptinqa tukuy imata Dios unanchasqanmanta Genesis qillqapa willakusqanqa yanqach kanman. Jesusmi ichaqa Genesis qillqapa willakusqanmanta rimaspan nirqa chiqap kasqanta (Genesis 1:26, 27; 2:18-24, CQ; Mateo 19:4-6). Bibliam willawanchik Jesusqa manaraq kay allpa pachaman hamuchkaspan hanaq pachapi taytanwan yachasqanmanta hinaspa tukuy imata unanchaypi taytanta yanapasqanmanta (Juan 1:3). Chayraykum nichwan “manam tukuy imatachu Dios unancharqa” nisqankuqa yanqa kasqanta.

Manam. Bibliaqa manam ninchu chay kastallamanta kaspapas ima animalpas chaynalla kanankumantaqa. Bibliaqa manataqmi ninchu ima animalchapas hinaspa ima plantachapas huklawman aparusqa chaynalla kananmantaqa. Chay animalchapas utaq plantachapas mana chaynalla kasqanta qawaspam wakinqa ninku: “Kayqa huklasi animalñam utaq huklasi plantañam”, nispa. Arí, ima animaltapas utaq plantatapas mana armasqan lawman aparuptinchikqa manam chaynallañachu. Ichaqa manam chayraykuchu nichwan huk animalña utaq huk plantaña kasqantaqa.