¿Yuyachkanchikchu?

¿Leerqanchikchu kay watapaq Willakuq qillqakunata? ¿Imatam kay tapukuykunamanta nichwan?

¿Imakunapaqmi yanapawasun Diosta mañakuy, payta uyariy hinaspa paypi yuyaymanay?

Imatapas allinta tantianapaqmi, allin yachachiq kanapaqmi, allin iñiyniyuq kanapaqmi chaynataq Jehova Diosta astawan kuyanapaqmi (w22.01, pag. 29-31).

¿Imaynanpitaq ancha allin Jehova Diosmanta hinaspa punta apaqkunamanta mana iskayrayay?

Kunanmantapunim Diospa imapas ruwasqanmantaqa manapuni iskayrayananchikchu. Mana iskayrayasqanchikqa sutillam kanqa punta apaqkunapa imapas kamachiwasqanchikta kasukusqanchikpi. Chayqa yanapawasunmi llumpa-llumpay ñakariy punchawkunapipas imapas kamachiwasqanchik hukmanña rikchakuwaptinchikpas kasukunanchikpaq (w22.02, pag. 4-6).

¿Imanasqataq angelqa Zacariasta nirqa gobernador Zorobabelpa makinpi plomadata qawananmanta? (Zac. 4:8-10).

Zacariaspa qawasqanqa Diospa runankunatam yanaparqa chay ruwasqanku Diospa wasinqa Salomonpa ruwasqan wasiman mana rikchakuspanpas Jehova Diospaqqa allin kasqanmanta mana iskayrayanankupaq (w22.03, pag. 16, 17).

¿Imatam ruwananchik rimayninchikpi qatipakunapaq hina kanapaq? (1 Tim. 4:12).

Diosmanta willakuspapas kuyakuywan hinaspa respetowan rimaspam, huñunakuykunapi sunqumanta takispam, huñunakuykunapi rimarispam, imam kaqta rimaspam, hukkunata kallpanchanapaq hina rimaspam hinaspa mana nanay simi kaspam (w22.04, pag. 6-9).

¿Imanasqataq Daniel 7 capitulopi rikuriq manchakuypaq animalkunaqa Apocalipsis 13:1, 2 hukllapiña rikurin?

Apocalipsis 13 capitulopi rikuriq manchakuypaq animalqa manam Roma nacionllawanchu tupan, aswanqa ñawpaq tiempomanta kunan tiempokama llapallan kamachiqkunawanmi (w22.05, pag. 9).

¿Imaynanpitaq mana iskayrayananchikchu imatapas Jehova Dios allinta allichananmantaqa?

Pipas sientirachiwaptinchikqa, imatapas niruwaptinchikqa utaq imatapas ruwaruwaptinchikqa mana piñakuspam Jehova Diospa makinpi saqinanchik. Paymi hukkunapa mana allinkuna ruwawasqanchiktaqa allichanqa (w22.06, pag. 10, 11).

¿Imaynatataq huñunakuypiqa mañakunanchik?

Mañakuspanchikqa manam iñiqmasinchikkunata rimapayachkaq hinachu mañakunanchik, nitaqmi chaypiraqchu ima willakuytapas ninanchik. Aswanraqmi huñunakuy qallariytaqa mana llumpaytachu rimana, nitaqmi una-unaychu mañakuna (Mat. 6:7) (w22.07, pag. 24, 25).

¿Ima ninantaq “mana allin ruwaqkunañataqmi juzgasqa kanankupaq” kawsarinqaku nisqanqa? (Juan 5:29).

Chaywanqa nichkan kawsarisqankumanta qipaman kasukuq utaq mana kasukuq kasqanku qawasqa kananmantam, manam manaraq wañukuchkaspa imapas ruwasqankumantachu (w22.09, pag. 18).

¿Ima willakuytataq iñiqmasinchik Joseph Rutherford nirqa 1922 wata septiembre killa hatun huñunakuypi?

Cedar Point (Ohio) Estados Unidos llaqtapim hatun huñunakuypi nirqa: “Kunanmantayá yachaychik Jesusqa kamachiqña kasqanta, qamkunañataq willakuqkuna kasqaykichikta. Chaynaqa willakuychik, willakuychik, willakuychik”, nispa (w22.10, pag. 3-5).

¿Imaynakunatataq Diosqa yanapawanchik sasachakuykunapi kaptinchik Isaias 30 capitulopi nisqanman hinaqa?

Chaypi nisqanman hinaqa Diosqa 1) mañakusqanchiktam uyarin, 2) yachachiwanchikmi hinaspa 3) kunanpas chaynataq hamuq tiempopipas tukuy imatam quwasun (w22.11, pag. 8, 9).

¿Imaynanpitaq nichwan Salmos 37:10, 11, 29 nisqanqa ñawpaq tiempopi cumplikuspanpas hamuq tiempopi cumplikunanmanta?

Davidpa nisqanman hinaqa hawkam Israel runakunaqa kawsakurqaku, aswanraqmi Salomonpa kamachisqan tiempopiqa. Hamuq punchawkunapi sumaq huertamanta rimaspanmi Jesuspas Salmos 37:11 nisqanmanta rimarqa (Mat. 5:5; Luc. 23:43) (w22.12, pag. 8-10, 14).