05 YACHACHIKUY
Diosmi ñuqanchikpaq bibliata qillqachirqa
Diosmi bibliata runakunapaq qillqachirqa. Bibliapim kachkan 66 librochakuna. Ichaqa ninkipaschá: “¿Pikunataq bibliataqa qillqarqaku? ¿Pipa piensayninman hinataq qillqarqaku?”, nispa. Chaykunamantam yachasunchik.
1. Bibliataqa runakunam qillqarqaku, chaynaqa ¿imanasqataq ninchik “Diospa palabranmi” nispa?
Bibliataqa 40 runakunam qillqarqaku. Wakinmi karqaku oveja michiq, challwa hapiq hinaspa huk ruwayniyuqkuna. Jesus manaraq nacechkaptinmi 1513 watapi qillqayta qallaykurqaku, tukurqakuñataqmi 98 watapi Jesuspa wañukusqan qipata. 1.600 watakunam pasarqa qillqayta tukunankukamaqa. Achka runakuna qillqaptinkupas manam hukta-huktachu willakun Jehova Dios paykunaman yuyayta qusqanrayku (leey 1 Tesalonicenses 2:13). Bibliataqa qillqarqaku manam piensasqankuman hinachu, aswanqa chuya espiritunwan Dios yanapaptinmi paypa rantinpi rimarqaku (2 Pedro 1:21). Chaywanmi Diospa piensasqankunata qillqarqaku (2 Timoteo 3:16).
2. ¿Pikunapaqtaq Diosqa bibliata qillqachirqa?
Diosqa munanmi ‘llapallan nacionkuna, kastakuna, tukuy rikchaq rimayniyuqkuna’ paymanta yachanankuta (leey Apocalipsis 14:6). Chayraykum bibliaqa kachkan tukuy rimaykunapi. Chaymi yaqa llapallan runakuna bibliamantaqa yachanmanku maypiña utaq ima rimayniyuqña kaspankupas. Manam ima librotapas bibliata hina achkanpiqa ruwankuchu.
3. ¿Imatam Jehova Diosqa ruwarqa biblia kunankama kananpaq?
Bibliatam qillqarqaku animalkunapa qaranpi hinaspa papiro plantamanta ruwasqa papelpi. Chaykunaqa ismuruqllam karqa, chaymi bibliapa nisqan mana chinkarunanpaq Diosta kuyaq runakuna bibliata makillawan achka copiakunata ruwarqaku. Karqataqmi bibliata chinkarachiyta munaq runakunapas, ichaqa allin sunquyuq runakunam wañuytapas mana manchakuspanku bibliata waqaycharqaku. Jehova Diosqa tukuyta ruwaspam palabranta ñuqanchikrayku waqaycharqa. Chaymi bibliapi nin: ‘Diosninchikpa nisqankunaqa wiña-wiñaypaqmi’, nispa (Isaias 40:8).
ASTAWAN YACHAYKUSUN
Kaypim yachaykusun imaynata runakunawan bibliata Dios qillqachisqanmanta hinaspa mana chinkarunanpaq imakunata ruwasqanmanta, chaynapi lliw runakuna yachanankupaq.
4. ¿Pipa yuyaychasqantaq bibliaqa?
VIDEOTA qawaykuychik. Chaymanta leeychik 2 Timoteo 3:16 hinaspa qatiqninmanta rimariychik:
Runakunapa qillqasqan biblia kaptinqa, ¿imanasqataq ninchik Diospa palabran kasqanmanta?
¿Imaynataq runakunaqa qillqanmanku karqa Diospa piensasqantaqa?
Patronmi llamkapuqninta nichkan imapas nisqanta qillqananpaq, chaynam Diospas runakunawan ima piensasqanta bibliapi qillqachirqa.
5. Bibliatam runakuna chinkarachiyta munarqaku
Tiempopa risqanman hinam bibliataqa kamachiqkunapas chinkarachiyta munarqaku, ichaqa manamá atirqakuchu Diospa palabran kasqanrayku. Chaymantapas religionniyuq wakin runakunam bibliata runamasinku mana leenanpaq harkakuqku. Ichaqa karqam allin sunquyuq runakunapas. Paykunaqa wañuytapas mana manchakuspankum bibliata waqaycharqaku. Yachaykusun chayna qarinchakuq runamanta. VIDEOTA qawaykuychik hinaspa qatiqninmanta rimariychik:
Bibliata waqaychanankupaq tukuyta ruwasqankuqa, ¿manachu bibliata leenaykipaq kallpanchasunki?
Leeychik Salmos 119:97 hinaspa qatiqninmanta rimariychik:
¿Imanasqataq achka runakuna wañuytapas mana manchakuspanku bibliata huk rimaykunapi ruwarqaku chaynapi lliw runakuna yachanankupaq?
6. Bibliaqa llapallan runakunapaqmi
Bibliaqa achka rimaykunapim qillqasqa kachkan, manam biblia hinaqa ima libropas kanchu. Leeychik Hechos 10:34, 35 hinaspa qatiqninmanta rimariychik:
¿Imanasqataq Diosqa munan palabran tukuy rikchaq rimaykunapi kananta?
¿Imanasqataq qampaqqa bibliaqa ancha allin?
Yaqa
llapallan
runakunam
bibliataqa kikinkupa rimayninkupi leenmanku
Kachkanñam
3.000
masnin rimaykunapi
llapan utaq wakillan kaspapas
5.000 millones
Kunanqa yaqa kaykaynañam bibliakunaqa kachkan,
manam ima libropas kayna achka ruwasqaqa kanchu
WAKIN RUNAKUNAM NINKU: “Bibliaqa ñawpa tiempopi runakunapa qillqasqallanmi”, nispanku.
Qamqa, ¿ima niwaqtaq?
¿Imanasqataq niwaq bibliaqa Diospa palabran kasqanmanta?
YUYARIYKUSUN
Bibliaqa Diospa palabranmi, chaymi payqa tukuyta ruwarqa mana chinkarachinankupaq, chaynapi lliw runakuna yachanankupaq.
¿Ima niwaqtaq?
¿Imaynatam Diosqa bibliata runakunawan qillqachirqa?
¿Imanasqataq bibliataqa imataña ruwaspapas mana chinkarachirqakuchu? ¿Ima niwaqtaq yaqa llapallan runakunapa rimayninkupi biblia kasqanmanta?
¿Imaynam tarikunki palabranmanta yachananchikpaq Jehova Dios tukuyta ruwasqanwan?
ASTAWAN YACHANAYKIPAQ
Kunan tiempokama biblia kananpaq ñawpaq tiempopi imakuna pasasqanmanta yachanaykipaq kay yachachikuyta leey.
“¿Imakunatam ruwarqaku biblia kunankama kananpaq?” (¡Rikchariy!, noviembre 2007)
Bibliata imanasqa chinkarachiyta mana atisqankumanta yachanaykipaq kay yachachikuyta leey.
“Bibliataqa manam chinkachiyta atirqakuchu” (Willakuq, 2016-4 kaq)
Wañunanku kaptinpas wakin runakuna huk rimaykunapi bibliata ruwasqankumanta qaway kay videopi.
Bibliaqa achka rimaykunapim kachkan. ¿Imaynatam yachachwan bibliata huk rimaykunapi ruwaqkunaqa munasqankuman hina mana ruwarusqankuta?
“¿Bibliataqa runakuna cambiarurqakuchu utaq imatapas yaparurqakuchu?” (Tarinkim jw.org nisqanpi)