29 YACHACHIKUY
¿Imaynataq wañukuqkunaqa kachkanku?
Ayllunchik wañukuptinqa nirqanchikpaschá: “¿Maypitaq kachkan? ¿Haykallapipas paywan kaqmanta tupaykuymanchu?”, nispa. Kaypi hinaspa qatiqnin yachachikuypim yachasunchik wañuqkunamanta biblia ima nisqanta.
1. ¿Wañukuqkunaqa imaynataq kachkanku?
Jesusqa wañuytam tupachirqa puñuywan. ¿Imaynataq wañuyqa tupanman puñuywan? Miskita puñuruspaqa manam imatapas musyanchikchu, chaynallataqmi wañusqakunapas manaña imatapas musyankuchu nitaq ñakarinkuchu. Bibliapim nin wañusqakunaqa manaña imatapas yachasqankuta (leey Eclesiastes 9:5).
2. ¿Hawkayachiwanchikchu wañusqakunamanta bibliapi imam kaqta yachasqanchikqa?
Achka runakunam wañuyta manchakunku chaynataq wañukuqkunatapas. Chayna pasasuptikiqa bibliamanta imam kaqta yachaymi yanapasunki. Jesuspas nirqam: ‘Chiqap kaqta yachaspaykichikmi libre kankichik’, nispa (Juan 8:32). Achka religionkunam yachachinku wañuruptinchikqa almanchik utaq animanchik maypipas kasqanta. Ichaqa bibliapiqa manam chaynataqa yachachinchu, aswanqa ninmi wañusqakunaqa manaña ñakarisqankuta hinaspa manaña imamantapas cuentata qukusqankuta, chaymi mana manchachiwachwanchu nitaq yanapawachwanchu, yanqapaqñam wañusqakunapaq imatapas ruwasqanchikqa.
Wakin runakunaqa ninkuraqmi wañuqkunawan rimasqankuta. Ichaqa, ¿wañukuqwanchu rimachkanmanku? Manam, bibliapiqa ninmi wañusqakunaqa manaña imatapas yachasqankuta. Chaynaqa, wañusqakunawan rimasqankuta piensaqkunaqa demoniokunawanmi rimachkanku. Demoniokunam wañukuq runatukuspan runakunawan rimanku. Chaymi Jehova Diosqa mana munanchu wañuqkunata qayaqman rinanchikta (leey Deuteronomio 18:10-12). Wañukuqkunamanta bibliapi imam kaqta yachasqanchikqa yanapawanchikmi demoniokunawan mana engañachikunapaq.
ASTAWAN YACHAYKUSUN
Kaypim astawan yachaykusun wañukuqkunamanta bibliapa ima nisqanta. Yachasuntaqmi wañukuqkunata Dios mana ñakarichisqanmantapas.
3. Wañukuspa ¿imayna kasqanchikmantataq bibliaqa nin?
Sapa llaqtapi runakunam wañukuptinchik ima pasawasqanchikmanta tukuyta ninku.
Qampa llaqtaykipiqa, ¿wañukuqkuna maypi kasqankutataq ninku?
Wañukuqkuna imayna kasqankumanta yachaykunaykichikpaq, VIDEOTA qawaykuychik.
Leeychik Eclesiastes 3:20 hinaspa qatiqninmanta rimariychik:
¿Wañukuspa imaman kutiykusqanchiktataq bibliapiqa nin?
Wañukuqpaqa, ¿hinallaraqchu alman, utaq animan maypipas kachkanman?
Bibliapim willawanchik Jesuspa amistadnin Lazaro wañukusqanmanta. Lazaro wañuruspan ¿imayna kasqanmantataq Jesus nirqa? Chaypaq leeychik Juan 11:11-14 hinaspa qatiqninmanta rimariychik:
¿Imawanmi Jesusqa wañuyta tupachirqa?
Chaynaqa, ¿wañusqakunaqa imaynataq kachkanku?
¿Wañusqakuna imayna tarikusqankumanta bibliapi nisqanqa sasa entiendeychu?
4. Wañusqakunataqa manam manchakunanchikchu
Wañusqakunaqa manañam imamantapas cuentata qukunkuñachu, chaymi mana manchakunanchikchu. Leeychik Eclesiastes 9:10 hinaspa qatiqninmanta rimariychik:
¿Imatapas ruwawachwanchu wañusqakunaqa?
Wañusqakunamanta bibliapi ima nisqanta yacharuspaqa cuentatam qukunchik wañusqakunapaq imapas ruwasqanchikqa yanqapaq kasqanmanta. Leeychik Isaias 8:19 hinaspa Apocalipsis 4:11, chaymantañataq qatiqninmanta rimariychik:
Wañusqa ayllunchik uyariwasqanchikta piensaspa yanapawananchikpaq mañakuptinchikqa, ¿imaynataq Jehova Diosqa tarikun?
Wañukuqkuna imayna kasqankumanta yachayqa yanapawanchikmi Diospa mana munasqan kaqkunata manaña ruwanapaq.
5. Wañukuqkunaqa manam ñakarichkankuchu
Yaqa llapanchikmi uyarirqanchik mana allin runakunaqa wañukuspanku huchankurayku ñakarisqankumanta. Ichaqa manamá chaynachu. Kawsachkaspanraq ima huchataña ruwaruqkunapas wañukuspankuqa manam ñakarinkuchu. Leeychik Romanos 6:7 hinaspa qatiqninmanta rimariychik:
Pipas wañukusqanwan huchanmanta pampachasqaña kaspanqa, ¿hinallaraqchu huchanrayku ñakarichkanman?
Diosqa kuyapayakuqmi, chaymi wañukuqkunataqa mana ñakarichinmanchu. Leeychik Deuteronomio 32:4 hinaspa 1 Juan 4:8, chaymantañataq qatiqninmanta rimariychik:
Leesqanchikman hina Jehova Dios kuyapayakuq kachkaspanqa, ¿ñakarichinchu wañukuqkunata?
Wañukuqta Dios mana ñakarichisqanta yachasqaykiqa, ¿sunquykita tiyaykachinchu? ¿Imanasqa?
WAKIN RUNAKUNAM NISUNKIMAN: “Wañukuqkunatam manchakuni”, nispa.
Chaynata pipas nisuptikiqa, ¿bibliapi ima nisqantataq leeykapuwaq?
YUYARIYKUSUN
Wañusqakunaqa manañam imatapas sientenkuchu, manam ñakarinkuchu nitaqmi pitapas manchachinkuchu.
¿Ima niwaqtaq?
¿Wañukuqkunaqa imaynataq kachkanku?
Bibliapi wañukuqkunamanta yachasqaykiqa, ¿imakunata manaña ruwanaykipaqtaq yanapasunki? ¿Wañukuqkunataqa manchakunanchikchu?
Wañukuqkunata Dios mana ñakarichisqanta yachasqaykiqa, ¿sunquykita tiyaykachinchu?
ASTAWAN YACHANAYKIPAQ
¿Almaqa ima kasqantataq bibliaqa nin? Chaymanta kaypi yachaykuy.
¿Ciertochu Diosqa infiernopi ñakarichin mana allin ruwaq runakunata? Chayta yachaykunaykipaq videota qawaykuy.
¿Wañusqakunataqa manchakunanchikchu? Chaymanta kaypi yachaykuy.
Wañukuqkunapaqqa ¿kanchu animan? ¿Pitapas yanapanmanchu? ¿Pitapas ñakarichinmanchu? (Folleto)
Wañukuqkuna imayna tarikusqankumanta yacharusqanwanmi huk runapa sunqun tiyaykurqa, paymanta kaypi leeykuy.
“Bibliam lliw tapukuyniykunata kutichirqa” (Willakuq, mayo-junio 2015)