¿Imaynatam familiapi kusisqa kawsakuchwan? (2 kaq)

Churi-wawakunaqa Diospa quwasqanchikmi. Payqa munan sumaqta uywananchiktam. Chaymi yachachikuykunata quwanchik sumaqta uywanapaq chaynataq churi-wawakunapas tayta-mamankuta kasukunankupaq.

1. ¿Imakunatam Jehova Dios tayta-mamakunata kamachin?

Diosqa munan tayta-mamakuna kuyakuywan hinaspa tiempochakuspa churi-wawankuta uywanankutam. Bibliapi yachachikuykunaman hina uywaptinkuqa manam ima mana allinmanpas wichinqakuchu (Proverbios 1:8). Diosmi tayta-mamakunata nin: “Sumaqllatayá uywaychik Jehova Diospa yachachisqanman hina hinaspa rimapayasusqaykichikman hina”, nispa (leey Efesios 6:4). Diosqa anchatam kusikun tayta-mamakuna kikinku churi-wawankuta uywaptinkuqa.

2. ¿Imakunatam Jehova Dios churi-wawakunata nin?

Diosmi churi-wawakunata nin: “Tayta-mamaykichikta kasukuychik”, nispa (leey Colosenses 3:20). Churi-wawakuna kasukuq kaptinqa tayta-mamapas chaynataq Jehova Diospas kusisqam kanqa (Proverbios 23:22-25). Jesuspas qatipakunapaq warmam karqa. Payqa tayta-maman pantaq kaptinpas kasukurqam hinaspapas respetarqam (Lucas 2:51, 52).

3. ¿Imatam familiapi kaqkuna ruwanmanku Dioswan kuyachikunankupaq?

Churi-wawayuq kaspaykiqa, ¿imakunatam ruwawaq Diosta kuyanankupaq? Diosmi tayta-mamakunata kamachin: ‘Churikichikmanmi yachachinaykichik wasikichikpi kaspa, ñanpi purispa, puñuq yaykuspa chaynataq hatarispaykichikpas’, nispa (Deuteronomio 6:7). Yachachiy nispaqa manam huk kutillata yachachinamantachu rimachkan. Warmakunaqa chayllam imatapas qunqanku. Chaymi sapa punchaw tiempochakunayki warmaykikunaman Diosmanta yachachinaykipaq. Chaymantapas, allinmi kanman llapaykichik sapa semana bibliata estudiaspa Diosta yupaychanaykichikpaq tiempochakuynikichik. Churi-wawaykichik mana kaptinpas sapa semana bibliamanta yachaynikichikqa ancha allinmi.

ASTAWAN YACHAYKUSUN

4. Kuyakuywan yachachiy

Churi-wawakunata allinta yachachispa uywayqa sasam kanman. Ichaqa, ¿imaynatam biblia yanapasunkiman? Leeychik Santiago 1:19, 20 hinaspa qatiqninmanta rimariychik:

• ¿Imanasqataq tayta-mamakunaqa kuyakuyllawan churi-wawankuwan rimananku?

• ¿Imanasqataq rabiasqa kachkaspanqa churintaqa mana correginanchu?a

5. Churi-wawaykikunata cuiday mana allin ruwaykunamanta

Chaypaqqa mana pinqakuspam rimapayanaykichik qari kayninkumanta utaq warmi kayninkumanta. VIDEOTA qawaykuychik hinaspa qatiqninmanta rimariychik:

VIDEO: ‘Mana allinkunamanta’ warmanchikta qawasun (2:58)

• ¿Imanasqataq wakin tayta-mamakunapaqqa sasa churi-wawankuwan warmi-qari puñuymanta rimayqa?

• ¿Imataq tayta-mamakunata yanaparqa churi-wawankuwan mana pinqakuspa parlanankupaq?

Bibliapa willakusqanman hinam kay tiempopiqa millakuypaq mana allin ruwayllaña mirarun. Leeychik 2 Timoteo 3:1, 13 hinaspa qatiqninmanta rimariychik:

• 13 versiculopa nisqanpi, wakin mana allin runakunaqa warmachakunatam abusanku. Chayrayku, ¿ima nispataq tayta-mamakunaqa yachachinmanku qari kayninmanta utaq warmi kayninmanta? ¿Imatam ruwanmanku warmanku mana abusasqa kananpaq?

Yachaykunaykipaq

Testigokunapa ruwasqanku yachachikuykunam tayta-mamakunata yanapan churi-wawankuman qari kayninmanta hinaspa warmi kayninmanta yachachinankupaq, chaynapi mana abusasqa kanankupaq. Wakinmi kaykuna:

• Warmaykichikta cuidaychik (video)

• Jesusmanta yachasun, 10 hinaspa 32 yachachikuy

• “¿Imaynatam warmaykichikman warmi-qari puñuymanta rimapayawaqchik?” (¡Rikchariy!, 2016-4 kaq)

6. Tayta-mamaykita respetay

VIDEO: ¿Imaynatam tayta-mamaykiwan rimawaq? (2:19)

• ¿Imanasqataq musu-sipaskunaqa respetowan tayta-mamankuwan rimananku?

• ¿Imaynatataq musu-sipaskunaqa tayta-mamankuta respetollawan parlapayanmanku?

Leeychik Proverbios 1:8 hinaspa qatiqninmanta rimariychik:

• Tayta-maman imatapas ruwananpaq niptinqa, ¿piñakunanchu musu-sipasqa?

7. Familiapi sapa semana Diosta yupaychaychik

Jehova Diospa testigonkunaqa sapa semanam tiempochakunku familiankuwan kuska Diosta yupaychanankupaq. ¿Imaynatam chaytaqa ruwanku? VIDEOTA qawaykuychik hinaspa qatiqninmanta rimariychik:

VIDEO: Ayllunchikwan Diosta yupaychanapaq: Sasachakuspankupas Diosta yupaychanankupaqmi kallpanchakunku (8:04)

• ¿Imataq yanapanman familiapi sapa semana Diosta yupaychanankupaq?

• ¿Imatam tayta-mamakuna ruwanmanku churi-wawankuwan kusisqa Diosta yupaychanankupaq? (Qaway qallariypi kaq fotota).

• Qampaqqa, ¿sasachu churi-wawaykiwan sapa semana Diosta yupaychay? ¿Imanasqa?

Ñawpaq tiempopi Israel runakunatam Jehova Dios kamachirqa churi-wawankuman bibliamanta yachachinankupaq. Leeychik Deuteronomio 6:6, 7 hinaspa qatiqninmanta rimariychik:

• ¿Imaynatam qampas Jehova Diospa chayna nisqanta kasukuwaq?

Familiapi kaykunamanta yachaychik:

• Huñunakuykunapaq preparakuychik.

• Bibliata leeruspa rimariychik.

• Taksa warmachaykikuna kaptinqa jw.org niqmanta warmachakunapaq kaqta hurquy.

• Musu-sipasña kaptinqa paykunapaq jw.org niqpi yachachikuykunata leey.

• Bibliapi leesqaykichikta actuaychik.

• Mayqin videotapas jw.org niqpi qawaruspa rimariychik.

YUYARIYKUSUN

Diosqa munanmi tayta-mamakuna churi-wawankuta kuyakuywan uywanankuta chaynataq churi-wawakunapas tayta-mamankuta respetaspa kasukunankuta. Munantaqmi familiapi sapa semana yupaychanankutapas.

¿Ima niwaqtaq?

• ¿Imaynatam tayta-mamakunaqa churi-wawankuta cuidanmanku hinaspa yachachinmanku?

• ¿Imaynatam churi-wawakunaqa tayta-mamankuta respetanmanku?

• ¿Imaynam kawsakunqaku familiapi sapa semana Diosta yupaychaspankuqa?

ASTAWAN YACHANAYKIPAQ

¿Imakunam churi-wawaykita yanapanman allin kawsakunanpaq?

“Warmakunata allinta uywanapaq suqta yanapakuykuna” (¡Rikchariy! 2019—2 kaq)

Yuyaqkunata imaynata cuidanapaq yanapakuykunata leey.

“¿Imatam Dios niwanchik yuyaqña tayta-mamanchik cuidaymanta?” (Tarinkim jw.org nisqanpi)

Huk runam warmakuna uywayta mana yachachkaspanpas Diospa yanapakuyninwan allinta uywarqa. Chaytayá qawaykuy.

Jehova Diosmi yanapawarqaku warmaykunata allinta uywanaykupaq (5:58)

Yachaykuy imaynata tayta-mamakuna churi-wawankuwan allinta kawsakunankumanta.

“¿Imatam huk tayta ruwanman churinmanta mana karunchakunanpaq?” (Tarinkim jw.org nisqanpi)