DIOSPAQ HINA KAWSANAPAQ
Allinta yanapanapaq: Yachachisqayki runata yachachiy qillqanchikkunata kikinmanta imayna estudiananpaq
¿IMANASQAM ANCHA ALLIN? Yachachisqanchik runa qillqanchikkunata kikinmanta tiempowanraq qawaspanqa yachachiptinchikmi astawan entiendenqa hinaspapas yuyanqam. Chaynata ruwaspanqa allin iñiyniyuqmi kanqa. Bautizakuruspanpas hinallam huñunakuykunapaq hinaspa Diosmanta willakunanpaq estudianan kanqa, chaynapi rikchan-rikchanlla kananpaq (Mt 25:13). Imayna estudiayta yachayninqa allinninpaqmi kanqa wañukunan punchawkama. Chaymi yachachiyta qallarisqanchikmantapacha estudiananpaq yachachinanchik.
¿IMAYNATAM RUWACHWAN?
Kikikiraqmi qillqanchikkunata estudiaspaqa tapukuykunapa kutichiyninta señalanayki (Ro 2:21). Sapa yachachiq rispaykim sumaqta estudianayki yachachisqayki runata imayna entiendechinaykipaq (km 11/15 pag. 3). Qillqaykipi imayna señalasqaykita qawachiy.
Kallpanchay tapukuykunapa kutichiyninta señalananpaq. Achka kutikamaña yachachispaykiqa niy chay ruwayninqa ancha allin kasqanmanta hinaspa allinninpaq kasqanmantapas. Niytaq tiempota imayna rakinanpaqpas. Wakin iñiqmasinchikkunaqa yachachisqanku runamanmi qillqankuta qunku imayna señalasqankuta qawanankupaq. Alabaykuy tapukuykunapa kutichiyninta señalaruspa suyasuptikiqa.
Yachachiy imaynata estudiananpaq. Wakin iñiqmasinchikkunaqa pi runatapas yachachiyta qallaykuspankuqa puntataqa yachachinku qillqanchikkunata kikinkumanta imayna estudiaytam.