Jehova Diosman sunqu kasun

1. Diosman sunqu kallasunchik

tukuypi kasukuspa,

yachachisqan palabranta

sunqunchikman churaspa.

Diospa kaqta kasukusun

tukuy sunqullanchikwan.

Jehova Diosman asuykusun

llapan kallpallanchikwan.

2. Ñakariypi kaqkunata

chaylla yanapaykusun,

imankupas pisiptinqa

utqayman quykullasun,

ancha-ancha kuyakuywan

rimapayaykullasun.

Diosman sunqu kasqanchikta

qawachisun tukuypi.

3. Punta apaq kaqkunata

tukuypi kasukusun,

imatapas nisqankuta

ruwayman churaykusun.

Jehova Diospa sunqullantam

chaywanqa kusichisun.

Diosman sunqu kasqanchiktam

chaywanqa qawachisun.