Jehova Dios hinayá kuyanakusun

1. Jehova Diostayá qatipakullasun

sumaqta, allinta.

Kuyawanchikmá Dios taytallanchikqa

llapanchikta, lliwchanchikta.

Churillantamá Diosqa kachamurqa,

wañukurqamá runakunarayku.

Chayta ruwaspam qawaykachiwanchik

llumpa-llumpay kuyakuyninta.

2. Kuyanakuqmá kusisqa kawsakun

piwanpas, maypipas.

Kuyanakuqmá kawsakuyninpiqa

hawkayaypi tarikunqa.

Kuyanakuyqa tukuy sunqumanta

pantasqanchikta pampachanakuymi.

Kuyanakuyqa wawqi-panintinña

kananchikpaq kallpanchakuymi.

3. Wawqi-panintin hinaña kawsasun

sumaqta, allinta.

Turi-ñañantin hinaña kawsayqa

llumpa-llumpay kusikuymi.

Dios taytanchikmá hatun atiyninwan

suma-sumaqta yanapallawanchik.

Chuyay-chuyay kaq palabrallanwanmi

Diosnillanchik yachachiwanchik.