¿Listoñachu kachkani?
¿Diosmanta willakunaypaq hinañachu kachkani?
Diosmanta willakuqña kanaykipaqmi kaykunapi kallpanchakunayki:
Bibliaykitam estudianayki, Diostam sapa punchaw mañakunayki chaynataq huñunakuykunapi kanayki.
Bibliapi yachasqaykikunamantam mana iskayrayanaykichu, hinaspapas hukkunamanmi willakunayki.
Jehova Diostam kuyanayki hinaspapas serviqninkunatam amistadnikipaq akllanayki.
Politicapipas, pantay religionpipas manañam kanaykichu.
Tantiakunaykim Jehova Diospa munasqanman hinaña kawsakunaykipaq hinaspa testigon kanaykipaq.
Diosmanta willakunaykipaq listoña kaptikiqa, yachachiqnikim punta apaqkunaman willanqa. Paykunañataqmi qanwan rimanqaku, hinaspam nisunki willakunaykipaqña utaq manaraq willakunaykipaqpas.
¿Bautizakunaypaq hinañachu kachkani?
Bautizakunaykipaqqa kaykunapim kallpanchakunayki:
Diosmanta willakuqñam kanayki.
Diosmanta sapa kuti willakunaykipaqmi kallpanchakunayki.
‘Allin ruwaq yuyayniyuq sirvientepa’ nisqankunatam kasukunayki (Mateo 24:45-47).
Mañakuspam Diosta ninayki payllapaqña kawsakunaykipaq tantiakusqaykita.
Bautizakunaykipaq listoña kaptikiqa, yachachiqnikim punta apaqkunaman willanqa. Paykunañataqmi qanwan rimanqaku hinaspam nisunki bautizakunaykipaq utaq manaraq bautizakunaykipaqpas.