• Isaías 23:12
    Mosoq Pacha Biblia

    • 12 Paymi nin: “Sidonpa ususin, sarunchasqa doncella sipas,*

      manañan kusirikunkiñachu.+

      Jatariy, Kitin ladoman chimpay.+

      Chaypipas manan thaj kaytaqa tarinkichu”, nispa.

  • Jeremías 47:4
    Mosoq Pacha Biblia

    •  4 Chay jamushaq p’unchayqa llapa Filistea runakunatan ch’usaqyachinqa,+

      Tiromantan+ Sidonmantan+ puchuq llapa yanapaqkunata chinkachinqa.

      Noqa Jehová Diosmi Filistea runakunata ch’usaqyachisaq,

      paykunan Caftor islamanta* puchuqkuna kanku.+

  • Ezequiel 25:15-17
    Mosoq Pacha Biblia

    • 15 ”Tukuy munayniyoq Señor Jehová Diosmi nin: Filistea runakunaqa Israel runakunatan cheqnikurqanku, jinan paykunamanta vengakuyta munaqku, ch’usaqyachiytan munaqku.+ 16 Chaymi noqa tukuy munayniyoq Señor Jehová Diosqa nini: Filistea runakuna contran makiyta jaywarisaq.+ Keretita runakunatapas+ lamar-qocha patapi tiyaqkunatapas ch’usaqmanmi tukuchisaq.+ 17 Manchakunapaq ruwaykunawanmi paykunamanta vengakusaq, k’araq phiñakuyniytan, castigoytan paykunaman chayachisaq. Phiñakuyniy p’unchay chayamuqtinmi paykunaqa yachanqaku noqa Jehová Dios kasqayta, nispa”.

  • Amós 1:9, 10
    Mosoq Pacha Biblia

    •  9 Jehová Diosmi nillantaq:

      Tiro llaqtaq kinsa juchanmanta,+ tawa juchanmantan imachus piensasqayta mana cambiasaqchu.

      Paykunaqa askha runakunatan presota apaspa Edomman entregarqanku,

      wayqentin jina kanankupaq rimanakusqankutapas manan yuyarqankuchu.+

      10 Chayraykun Tiro llaqtaq muyuriq perqanta kanaykusaq,

      allin perqasqa torrenkunatan ruphaykachisaq,+ nispa.

  • Zacarías 9:1, 2
    Mosoq Pacha Biblia

    • 9 Diosmi khaynata nin:

      “Jehová Diosmi Adrac jallp’a contra rimarin,

      Damasco contran rimarin.+

      Jehová Diosqa llapa runakunatan qhawamushan,+

      Israelpa llapa ayllunkunatan rikumushan.

       2 Qayllanpi* kaq Amaj llaqta+ contran rimarin,

      yachaysapa+ Tiro llaqta contra,+ Sidón llaqta+ contran rimarin.