Jesusca paipa Taitashna llaquij, juyaj cashcatami ricuchirca (Juan 14:9). Jesusca pecador gentecunata juyaihuan, llaquishpa tratashpaca Jehová Dios ninan juyaj, llaquij cashcatami ricuchirca. Jesusca pecador gentecuna cambiachun y paita catichunmi ayudarca (Luc. 5:​27, 28). Jesusca paipa causaihuan ima pasanataca alimi yacharca. Chaimandami Jesusca paipa discipulocunamanga traicionai tucushpa jatun racu caspipi huañunataca cutin cutin villarca (Mat. 17:22; 20:​18, 19). Jesús huañushpaca gentecunata pecadomanda salvai ushana cashcataca alimi yacharca. Shinallata Jesusca “tucui clase o tucui laya gentecunatami ñucapaman apamusha” nishpami yachachirca (Juan 12:32). Jesuspi tucui shunguhuan crishpa y paipa ejemplota catishpaca gentecunaca pecadomanda y huañuimandami libre quidai ushana carca (Rom. 6:​14, 18, 22; Juan 8:32). Chaimandami Jesusca gentecunata pecadomanda, huañuimanda salvangapaca paipa causaita cungapaca dispuesto carca (Juan 10:​17, 18). w24.08 5 párrs. 11-12

Bibliata yachajujushpa imashina sintirishcata yaripangui. Bibliata yachajujushpaca Jehová Dios quiquinda juyajta, paipa organizacionbi cachun munashcata, imapash sufrimientocunata tucuchina cashcata y shamuj punllacunapi huañushca familiacunata cutin causachina cashcatami yachajupariangui (Mar. 10:​29, 30; Juan 5:​28, 29; Rom. 8:​38, 39; Apoc. 21:​3, 4). Chaita yachaj chayashpaca ninandami cushijupariangui (Luc. 24:32). Bibliapi imata yachajujushcata ninanda gushtaimandami tucui gentecunaman villachina munaita charipariangui (Jeremías 20:9​huan comparashpa ricupangui). Bibliapa yachachishcacunata ninanda juyashpaca de seguromi shujcunaman villachingapaj munapangui (Luc. 6:45). Punda tiempopi apostolcunaca “imata uyashcata, imata ricushcata parlanataca nimamanda na saquita ushanchichu” nircami. Ñucanchicunapash paicunashnami sintiripanchi (Hech. 4:20). Bibliapa yachachishcacunata ninanda juyaimandami ñucanchicunapash tucui gentecunaman villachingapaj munapanchi. w24.05 15 párr. 5; 16 párr. 7

Jehovata sirvijcunaca Jehová Diosta juyaimanda y gentecuna paita rijsichun munaimandami predicapanchi. Pero huaquingunaca predicanataca na ashta gushtanllu. ¿Imamandata shina nipanchi? Porque huaquingunaca gentecunahuan parlanata manllaimanda o predicaitaca na ushashachu nishpa pensaimandami na ashta gushtan. Cutin huaquingunaca gentecuna paicunapa huasiman na invitashca cajpita predicangapaj huasiman rina tucushcamandami ashata nali sintirin. Huaquingunacarin predicangapaj chayajpi nali chasquihuangachu nishpami manllan. Y huaquingunaca gentecunata culirachiringa nishpami manllan. Cai huauquipanicunapaca na rijsishca gentecunaman predicanaca dificilmi can. Predicangapaj llujshinataca ¿manllapanguichu? Shina cashpaca ama desanimaripanguichu. Talvez quiquinda alicachishpa ricuchun na munaimanda y gentecunahuan culirarinata manllaimandami shina sintiripangui. Pero shina sintirishpaca humilde cashcatami ricuchijupangui. Ayudangapaj munajpira nali tratachunga na munapanchichu. Jehová Diosca cashna situaciongunata charijta yachaimandami ayudangapaj munan (Is. 41:13). w24.04 14 párrs. 1-2