Tabacoca shuj ali amigoshna ricurishpapash nalipachami can

Joven cashpa quiquin rijsishca shuj amigota charishcanguiman. Chai amigoca mayor de edadtashna sintichishpa ashtahuan amigocunata charichun ayudashcanman. Quiquin llaquilla o estresado cajpica, chai amigo siempre ayudan cashcamandaca paica importantepachami quiquinbaca tucurianga.

Shinapash tiempohuanga shuj nali amigo cashcata cuenta japishcanguiman. ¿Imamanda? Porque quiquin maiman rijpipash quiquinda catiriami rin. Chaita ricushpami huaquin pushtucunapica paitaca ñana chasquingapaj munan. Paihuan llevarina mayor de edadtashna sintichishpapash, quiquinba saludta ashtahuan ashtahuan afectashcanman. Shinallata quiquinba culquitapash shuhuashcata cuenta japishcanguiman.

Chai amigo nali cashcata cuenta japishpa paimanda caruyangapaj munajpica paica quiquinba dueñoshna tucushpami quiquin paimanda caruyachunga na saquishca. Chaimi paitaca nunca na rijsishpachari ali canman carcani nishpa pensari callaringui.

ASHTACA gentecunami tabacotaca shuj ali amigotashna ricun. Por ejemplo, Earline shuti huarmiguca 50 huatacunatami tabacota fumashpa causarca. Paica ninmi: “Tabacota fumajushpaca shuj amigohuan parlajunshnami sintirin carcani” nishpa. Shinapash tiempohuanga tabacota fumanaca shuj nali amigoshna cashcatami cuenta japirca. Earlineca callaripi parlashca chai nali amigoshna cashcatami cuenta japirca. Shinapash Jehová Diospa ñaupapi tabacota fumana nali cashcatami yachajurca. Chaimi tabacota fumanataca saquingapapacha decidirca (2 Corintios 7:​1, TNM).

Huauqui Frankpash Taita Diospa ñaupapi ali ricuringapaj munaimandami tabacota fumanata saquingapaj decidirca. Shinapash chaita decidishca ishcai punllacuna jipaca cutinmi tabacota ansia fumangapaj munarca. Chaimi tabaco fumashca sobracunata huasi entero mascai callarirca. Huauqui Frankga cashna pasashcatami parlan: “Tabaco chupashca sobracunata huasi entero mascajushcata cuenta japishpami ñucallata millanayachirishpa nalipacha sintirircani. Chaimi chai horasmandapacha, tabacota fumanataca saquitapacha saquircani”.

Tabacota fumanata saquinaca ¿imamandata difícil can? Huaquin estudiashcacunaca cai razongunatami tarishca: 1) Tabacoca droga cuentallatami can. 2) Tabacoca nicotina nishcahuan rurashcami can. Y chaita fumajpica siete segundocunapillami cerebroman chayan. 3) Tabacota fumajcunaca micujushpa, ufiajushpa, pihuanbash parlajushpa, llaquilla o estresado cashpaca fumanapillami pensarin.

Imashinami Earline y Frankba casocunapi ricupashcanchi, cai nali viciota saquitaca usharinmi. Quiquin tabacota fumanata saquingapaj munajujpica, cai cati temacunata liinami ayudanga.

Imata munashcata yaipi charipai

“Tabacota fumajcuna chai viciota saqui ushachunga, chai viciota saquingapapacha decidinami ayudan” (Stop Smoking Now! [¡Deje de fumar ahora!]).

TABACOTA fumana viciota saquingapaj munashpaca, chai viciota saquingapaj decididopachami cana capangui. Pero chaipaca ¿imata ayudanga? Tabacota saquishpa ima beneficiocunatalla chari ushashcata pensarinami ayudanga.

Culquitapashmi ahorrai ushapangui. Cada punlla shuj cajetillata fumajpica, huatapica casi mil dolarmi gashtarin. Nepal llactamanda Gyanu shuti jariguca ninmi: “Ashtaca culquita tabacopilla gashtajushcataca na cuenta japishcarcanichu”.

Ashtahuan cushillami causai callaripangui. Sudáfrica llactamanda Reginaca ninmi: “Tabacota fumanata saquishcamandapachami ali causai callarircani” nishpa. Tabacota fumanata saquishpaca ashtahuan aliguta mutijita usharin, micunagu ima sabor cashcatapash ashtahuanmi sintirin. Y shinallata ashtahuan fuerzatapashmi chariringa.

Quiquinba saludpashmi mejorashpa catinga. “Fumanata saquinaca jari o huarmi cajpipash o ima edadta charijpipash saludpica ninandami ayudan” (Centros para el Control y la ­Prevención de Enfermedades, de Estados Unidos).

Quiquinbillatapashmi ashtahuan confiaita ushapangui. Dinamarca llactamanda Henning shuti jovenga ninmi: “Tabaco ñucata controlachun na munaimandami chai viciotaca saquircani. Chaita saquishpami aliguta causai usharcani”.

Quiquinba familia y amigocunapashmi beneficiaringa. “Tabacota fumajpica quiquinba ladopi caj gentecunapa saludpashmi afectarin. Huaquin estudiashcacunaca tabacomanda llujshishca cushni ashtaca gentecunatami pulmonbi cancerta cushpa, corazonbi unguita cushpami huañuchishca ninmi” (Sociedad Americana contra el Cáncer).

Taita Diospa ñaupapipashmi ali ricuripangui. ‘Juyashca huauquicuna [...] ñucanchi cuerpota [...] mapayachij cosascunamandaca limpiarinami capanchi’ (2 Corintios 7:​1, TNM). ‘Cangunapa cuerpota y cangunapa causaitaca Taita Diosman shuj sacrificiota caranshna cupaichi’ (Romanos 12:​1, TNM).

España llactamanda Sylviaca ninmi: “Ñucanchi cuerpota mapayachij cosascunata Taita Diospa na ricunayachin cashcata yachajushpami tabacota saquingapapacha decidircani”.

Shinapash tabacota fumanata saquina munaita charinallaca na suficiente canllu. Familiarcunapa y amigocunapa ayudapashmi minishtirin. Shinapash paicunaca ¿imashinashi ayudaita ushan?

Shujcunapa ayudata mascapai

“Shujlla cajpi, pipash macashpa mishajpica, ishcai tucushpami shinlli tucun” (Eclesiastés 4:​12).

SHUJCUNAPA ayudata charishpaca ima cajpipash mishai usharinmi. Shina cuendallatami fumana viciota saquingapaj munajushpaca familiapa y amigocunapa ayudatami mascana capangui.

Fumana viciota saquishca gentecunapa ayudata mascanaca ¿nachu ali canman? Ari, paicunaca quiquinda ali ali intindimandaca ayudangallami. Por ejemplo, Dinamarca llactapi causaj Torben huauquiguca “shujcuna ñucata ayudajpimi ninanda cushijurcani” ninmi. Shinallata India llactapi causaj Abraham huauquigupashmi cashna nin: “Ñuca familia y huauquipanicuna juyaihuan ayudajpimi fumana viciotaca saquita usharcani” nishpa. Shinapash huaquinbica familiapa o amigocunapa ayudallaca na suficiente canllu.

Bhagwandas shuti jariguca ninmi: “27 huatacunatami tabacota fumashpa causarcani. Shinapash Bibliapi ñucanchi cuerpota mapayachin cashcata yachajushpami fumana viciotaca saquingapaj dicidirircani. Chaimi asha asha saquingapaj esforzarircani. Hasta punda charishca amigocunamandapashmi caruyarcani. Chaita saquingapaj munaimandaca doctorcunapa ayudatapashmi mascarcani. Pero ayudacunata mascashpapash saquitapacha saquitaca na ushajurcanichu. Chaimi shuj tutaca mejor oracionda rurashpa Jehová Dioshuan parlarcani. Paimanga chai viciota saquingapapacha ayudahuai nishpa ninanda rogarcani. Shinami chai viciotaca saquita usharcani”

Fumanata saquingapaj esforzarijujpi imapash tentación ricurijpi ama chaipillata cutin urmangapaca, cunanmandallatami ña preparado cana capangui. Cati temapimi imashina prepararinata yachajupashun.

[Recuadro]

¿FUMANATA SAQUINGAPACA PASTILLACUNATACHU UFIANA CANI?

Fumanata yachaj gentecunata ayudangapaca parches de nicotina nishcami tian. Y chaita jatujcunaca ninandami charijyashca. Pero quiquin caita utilizangapaj munajushpaca cai cati tapuicunapi pensaripai.

Chai parcheta utilizashpaca ¿ima beneficiocunatallata charigrini? Huaquin tratamientocunaca fumana ansiata calmachunmi ayudan. Shinapash chaita tratamientota asha tiempogutalla saquijpica chai munaica ashtahuan fuertemi tucun.

Chai parcheca ¿imacunapillashi ñucataca afectanga? Huaquin medicamentocunata ufiajpica lanzachin, depresiondapash cun y hasta suicidarina pensamientocunatapashmi cun. Huaquingunaca tratamiento de reemplazo de nicotina nishca tratamientotami catin. Pero chai tratamientoca fumajuj cuendallatami saludpica afectan. Cai tratamientocunata catij gentecunaca tabacopi tiashca nicotinapaca adictomi tucun.

¿Shuj tratamientocunapash tianlla? Fumanata saquishca gentecunata tapujpica, mayoriami imapash pastillacunata na ufiashpa o imapash tratamientocunata na catishpallatami fumanataca saqui usharcanchi nircami.

Ima jarcaicunalla tiashcata ricupai

Japonmanda Yoshimitsu shuti jariguca ninmi: “Ñuca llullu huahuagupa saludta cuidanamandami ñana fumanata decidirircani. Chaimandami “No fumar” nishca letrerota huasipi churarcani. Shinapash shuj horas jipaca, ñuca cuerpoca nicotinataca ninandami munachirca. Chaimi shuj tabacota prendircani”.

IMASHINAMI Yoshimitsupa casopi ricupanchi, ñana fumanata decidijpipash huaquin jarcaicunami ricurita ushan. Huaquin estudiashcacunaca fumana viciopi cutin urmashcacunamandaca, casi 90% gentecunami fumanataca ñana saquishcachu ninmi. Quiquin fumanata saquingapaj esforzarijushpaca, cunanmandallatami ama cutin chai viciopi urmangapaj preparado cana capangui. Shinaca, chai viciota saquichun imacunalla jarcai ushashcata ricupashunchi.

Quiquinba cuerpo nicotinata ninanda munachijpi. Ñucanchi cuerpoca 3 punllacamanmi tabacopi tiashca nicotinataca ninanda munachin. Y 2 semanacuna jipami asha asha bajarin. Fumanata saquishca mishuguca ninmi: “Fumana munaicunaca shamunmi. Pero na cada ratoca chai munaicunaca shamunllu” nishpa. Fumanata saquishca huaquin huatacuna jipapashmi fumana munaicunaca cutin shamuita ushan. Quiquinda shina pasajpica, chai munaicuna mishachunga na saquinachu capangui. Más o menos cinco minutocunata shuyajpica, asha ashami fumana munaica yalinga.

Fumanata saquishca jipaca huaquin sintomacunami ricurin. Huaquingunaca na puñunayachin. Cutin shujcunaca imagutapash rurajushpaca concentraritapash na ushanllu. Shinallata racuyaitapashmi racuyan. Shujcunaca cuerpo enterota nanachin, shijshichin, yapata sudan y hasta ojopash japin. Shinallata huaquingunaca impaciente tucun, imagumandapashmi ñapash culiran. Huaquingunatacarin depresión unguipashmi japin. Cai sintomacunaca 4 o 6 semanacuna jipaca asha ashami bajarin.

Shina sintomacuna ricurijpica caicunata ruranami ayudan:

● Aliguta puñuna.

● Jugota o yacuta ufiana, shinallata sano micunatapash micuna.

● Ejerciciota rurana.

● Profundamente respirashpa, pulmonbi limpio aireta respirajujtashna imaginaripai.

Fumana munanita jatarichij cosascunamanda cuidarina. Huaquin cosascunami fumana munaitaca cutin jatarichin. Por ejemplo, huaquingunaca tal vez asha tragota ufiajushpami fuman cashca. Quiquinbash chai costunbretallata charishpaca tragotaca ama charijupanguillachu. Fumana munaicuna ña yalijpica tranquilomi imagutapash ufiai ushapangui.

Fumanata ña saquishca cajpipash chai munaica ashtaca tiempotami paraita ushan. Chaishuj temapi parlashca Torben huauquica ninmi: “Fumanata saquishca horasmandaca ñami 19 huatacuna yalishca. Shinapash samana horaspi cashpaca, huaquinbica cutinmi fumana munaica shamun”. Imashinami ricupanchi, imacunatapash rurajushpandi fumana costumbreca tiempohuanmi anchuringa.

Shinapash tragota ufianahuan y fumanahuanga na igual canllu. Por ejemplo, fumanata saquitapacha saquingapaca asha tragota ufianamanda o tragota jatuj pushtucunamandaca cuidarinami capangui. ¿Imashpa? Porque tragota ufiajushpami huaquingunaca cutin fumana viciopi urmashca. Pero ¿imamandata shina pasashca?

● Tragota ashagutallata ufiajpipash tabacopa nicotinahuan chapurijpimi ali canshnalla sintirin.

● Amigocunahuan cashpaca, huaquingunaca fumashpandimi tragotaca ufian.

● Tragota ufiashpaca juicio chingashpami huaquingunaca imapash nalicunata ruran. Chaimandami Bibliapica vinota o tragota ufiashpaca juiciota chingachin nin (Oseas 4:​11).

Cumbacuna. Pihuan canataca ali agllapangui. Por ejemplo, fumanata yachaj gentecunamandaca caruyanami capangui. Shinallata fumanata saquingapaj esforzarijujpi burlashpa o nali shimicunahuan desanimachingapaj munaj gentecunamandapash caruyapangui.

Llaquilla o estresado sintirina. Fumana viciopi cutin urmashca gentecunamandaca, mayoriami sololla sintirimanda o estresado caimandaca cutin chai viciopillata urmashca. Quiquin shina sintirijushcamanda fumana munai cutin alzarijta cuenta japishpaca, chai viciopillata ama cutin urmangapami imagutapash ruraita ushapangui. Por ejemplo, chicleta micuna o yacuta ufianami ayudanga. Shinallata ali yuyaicunata charingapaj Jehová Diosta ayudahuai nishpa mañaita ushapangui. Y Bibliatapashmi lii ushapangui (Salmo 19:14).

Huaquingunaca cashnami pensan

● Ashalagutallami probagrini.

Respuesta: Ashagutalla probajpipash tabacopa nicotina nishcaca quimsa horascamanmi cerebropi quedaita ushan. Shina ashagutalla probanaca, cutinmi chai viciopillata urmachin.

● Tabacota chupanami ama yapa estresado cachun ayudahuan.

Respuesta: Huaquin estudiashcacunaca, nicotinaca ashtahuan estresadomi sintichin nin. Tabacota fumashpaca ali sintirishnallami caita ushan, pero chai efecto yalijpica fumana munaica ashtahuan fuertemi tucuita ushan.

● Saquitaca ñana ushanichu.

Respuesta: Ñana saquishachu nishpa pensanaca ninandami desanimachita ushan. Bibliapica “llaquicunahuan cashpa desanimarishpaca ushai illajmi tucungui” ninmi (Proverbios 24:10, TNM). Shinaca ama yapata desanimaripanguichu. Fumanata saquingapaj decidirishpa y cai revistapa consejocunata pactachingapaj esforzarishpaca fumana viciotaca saquita ushanguimi.

● Fumanata saquijpica chai munaicunaca ñucata yali fuertemi tucun.

Respuesta: Ciertomi can, fumanata chairalla saquijujpica fumana munaicunaca ashtahuan fuertemi tucun. Shinapash huaquin semanacuna jipaca asha ashami bajaringa. Fumana viciota saquinata decidishcataca yaipimi cana capangui. Pero huaquin quillacuna o huatacuna jipapashmi chai munaicuna cutin ricurita ushan. Shinapash chai munaicunaca ñapashmi yalinga. Pero chaipaca tabacotaca prenditallapash na prendinachu capangui.

● Loco tucusha yashpami fumanata saquingapapash manllanayan.

Respuesta: Depresión o esquizofrenia nishca unguicunapa tratamientocunata catijushpaca, quiquinba doctortapashmi fumanata saquingapaj ayudahuai nishpa mañaita ushapangui. Doctorca quiquinba cuerpo desintoxicarichunmi tal vez shuj tratamientocunaman cambiashpa ayudanga.

● Chai viciopi cutin urmashpaca imapash na sirvi cuentami sintirisha.

Respuesta: Fumana viciopi cutin urmashpaca ñana imatapash rurai ushanichu nishpaca ama pensaripanguichu. Saquingacamanbacha esforzarishpa catipai. Quiquinga chai viciotaca saqui ushanguimi.

Cunanga Romualdo huauquigupa ejemplota ricupashun. Paica 26 huatacunatami fumashpa causarca. Shinapash por más de 30 huatacunatami chai viciotaca ña saquishca. Paica ninmi: “Tauca viajecunatami chai viciopi cutin urmarcani. Chai viciopi cutin urmashpaca imapapash na sirvishna sintirin carcani. Shinapash Jehová Dioshuan ali amigo cangapaj munaimandami, paipa ayudata mañashpa fumanataca ñapash saquita usharcani”.

Cati temapica fumanata saquishpa cushilla causangapaj ayudaj huaquin consejocunatami ricugripanchi.

[Recuadro/Foto]

IMA CLASE TABACO CASHPAPASH NALIPACHAMI CAN

Diferente clase tabacocunami tian. Huaquin llactacunapica centro naturistacunapimi jatun. Shinapash Organización Mundial de la Salud nishcashnaca “ima clase tabaco cashpapash saludpaca nalipachami can”. Tabacota chupaimandami cancerta o shungupi imapash unguitapash cuita ushan. Shinallata chai unguicunahuanga huañuitapashmi huañun. Vijsayu huarmigucunaca, tabacota fumashpaca huahuagupa causaitapashmi peligropi churan. Shinapash ¿ima clase tabacocunallata tian?

Bidis nishca tabaco. Cai tabacocunaca maquihuan jamzillaguta rurashcacunami can. Cai tabacotaca Asia llactacunapimi ashtahuanbachaca utilizan. Shuj tabacocunahuan ricujpica cai tabacoca alquitrán, nicotina y monóxido de carbono nishcacunatami ashtahuan shitan.

Puro nishca tabaco. Cai tabacota rurangapaca tabaco nishca plantapa hojacunatami utilizan. Cai puro nishca tabacoca chaishujcunahuan ricujpica na prindishca cashpapashmi nicotinata shitan.

Kreteks, o cigarrillos de clavo. Caicunaca clavo de olorhuanmi rurashca can. Shinapash tabacotami ashtahuanbachaca charin. Cai tabacoca alquitrán, nicotina y monóxido de carbono nishcacunatami ashtahuan shitan.

Pipas. Tabacopa randi caita fumanaca na ali canllu. Pipacunata fumashpaca tabacota fumajuj cuentallatami cáncer unguita o shuj shuj unguicunatapashmi japita ushan.

Cushni illa Tabaco. Cai tabacoca diferente presenteciongunapimi shamun. Por ejemplo: acungapaj tabaco, rapé y gutkha nishcacunami tian. Cai gutkha nishcataca Asia llactacunapimi ashtahuan utilizan. Cai tabacota utilizashpaca, nicotinaca shimitami yahuarman yalin. Cushni illa cashpapash chaishuj tabacocunashnami saludpaca nalipacha can.

Pipas de agua (bongs, hookahs, narghiles, shishas). Caicunataca tabacopa cushnitami yacupi yalichingapaj utilizan. Chai cushnita yacuta yalichishpa fumajpipash ashtaca quimicocunami yalinra. Chaimi ashtaca gentecunamanga hasta cancerta cun.

[Recuadro/Foto]

PITAPASH AYUDANGAPACA CAICUNATA RURAPAI

● Cushilla shimicunahuan animapai. Tacurijunapa randica chai viciota saquingapaj esforzarijushcamanda felicitanami alipacha can. Cashnami nita ushapangui: “Ama desanimarichu. Saquita ushanguimi”.

● Juyaihuan pacienciahuan ayudapangui. Culirashpa quiquinhuanra desquitarijpica perdonangapaj esforzaripai. “Fumashparami cushilla yalin cariangui” nishpaca nunca na ninachu capangui. Chaipa randica ali shimicunahuan parlangapaj esforzaripai. Por ejemplo, cashnami nita ushapangui: “Na fácil cajpipash quiquin ninanda esforzarijujta ricushpaca, ninandami cushijuni”.

● Shuj ali amigo cangapaj esforzaripangui. Bibliapica cashnami nin: “Ali cumbaguca paipaj cumbataca, tucui causaipimi juyan. Llaqui punllacuna japijpipash, quiquin huauquitashnami llaquin” (Proverbios 17:17). Shinaca pacienciahuan, juyaihuan ayudangapaj siempre esforzaripai. Chaishuj persona masqui culira cajpi o nalipacha sintirijujpipash, ali tratangapaj esforzaripai.

Saquitapacha saquita ushanguimi

QUIQUINGA “shinlli tucushpa” esforzarinami capangui (1 Crónicas 28:10). Fumanata saquitapacha saquingapaca ¿imatallata rurana capangui?

Shuj fechata churapangui. Departamento de Salud y Servicios Humanos de Estados Unidosca caita rurachunmi recomendan: fumanata saquingapaj decidishca punlla jipa, más o menos cati ishcai semanacunapi ima fechapi pactachinatami agllana can. Y chai fechata yaipi charishpaca pactachingami. Chai fechataca shuj calendariopipash anotashpami charina can. Shinallata imata decidishcatapash amigocunaman villashpa pactachingapapachami esforzarina can.

Shuj tarjetata rurapangui. Cai tarjetapica cai cati yuyaicunata y quiquinda imacunalla ayudai ushashcatapashmi anotaita ushapangui.

● Fumanata imamanda saquingapaj munashcata

● Fumana munai cutin ricurijpi quiquinda ayudachun shuj amigopa número de telefonota anotapangui

● Chaita pactachichun ayudaj yuyaicunata (por ejemplo Gálatas 5:​22, 23 o Bibliapa shuj textocunatapash)

Cai tarjetagutaca maiman rijushpapash siempremi apana capangui. Shinallata chaipi anotashca yuyaicunatapash repasanami capangui. Y fumana viciota ña saqui ushashca cashpapash huaquinbica chai munaicunaca cutinmi shamunga. Shina pasajpica chai tarjetagupi imata escribishcata cutin liipangui.

Imapash nara pasajpillata imata ruranata pensaripai Anotashca fecha nara chayajpillatami cambiocunataca rurai callarina capangui. Por ejemplo, jatarishcandi tabacota fumana costumbreta charishpa, shinallata nara micushpa o micushca jipa tabacota fumana costumbreta charishca cashpaca, chai costumbrecunataca saquitapachami saquina capangui. Ashtahuanbash tabacota fumadorcunamandaca caruyanami capangui. Pipash tabacota carajujpi imata ninata pensaripai. “Chaigutalla, ñucaca ñana fumanichu” nishpa repasaita ushapangui. Caicunata ruranami tabacota siqui ushachun ayudanga.

Caitapash yaripangui. Quiquin agllashca fecha chayamujujpica, ama fumana tentacionbi urmangapajmi jamzillaguta picashca zanahoriata, chicleta chupanata o frutos secosta micunatapashmi saquina capangui. Shinallata quiquin churashca fechataca familiaman y amigocunamanbash villapangui. Shinami paicunapash ayudai ushapanga. Quiquin agllashca fechapa shuj punlla faltajujpillatami huasipi, carropi, bolsillocunapi o talvez trabajopi cashpapash tucuilla tabacocunata shitana cangui. Hasta ceniserocunata y fosforocunatapashmi shitana capangui. Shinami fumana tentacionbica ñana urmapangui. Tabacota randishpa mashna culquita gashtajushcata cuenta japishpaca, randingapapash munaitallatami ñana munapangui. ¿Imata ashtahuan rurana capangui? Jehová Diospa ayudatami mañajunalla capangui. Shinallata fumanapi ama cutin urmangapami ayudahuai nishpa orana capangui (Lucas 11:13).

Ashtaca gentecuna tabacota shuj ali amigotashna ricushpapash, tabacotaca saquitapachami saquishca. Y quiquinbashmi fumana viciotaca saqui ushapangui. Chaita saquijpica quiquinllatami ali sintiripangui. Shinallata quiquinba saludpashmi mejorashpa catinga.

[Foto]

Chai tarjetagupi imata anotashcata cada punlla yaringapaj siempre aparia puripangui