¿Imamandata Jesustaca Taita Diospa churimi nishpa rijsin?

Bibliapica casi siempremi Jesustaca “Taita Diospa Churimi” can nishpa nin (Juan 1:49). “Taita Diospa Churimi” nishpaca Tucuita ruraj Taita Dios, Causaita cuj Dios Jesusta rurashcatami ricuchin (Salmo 36:9; Apocalipsis 4:11). Pero Jesús Taita Diosmanda nacirishcataca Bibliapica na yachachinllu.

Bibliapica angelcunapash ‘Taita Diospa churicuna’ cashcatami nin (Job 1:6). Shinallata tucuicunamanda primer jari Adanbash “Taita Diospa churimi carca” ninmi (Lucas 3:38). Shinapash Bibliapica Jesusmi Taita Diospa ashtahuan importante churi can ninmi. Jesustaca Taita Diospachami tucuimanda primero rurarca. Chaimi ashtahuan importante churi can.

• ¿Cai alpapi nara nacirishpaca Jesusca cielopichu causarca?

• Cai alpaman nara shamushpaca ¿imatata Jesusca cielopica ruran carca?

Ari. Cai alpapi nara nacirishpaca Jesusca cielopica shuj espiritumi carca. Jesusllatami ñucaca ‘jahua pachamandami’ shamurcani nirca (Juan 6:38; 8:23).

Taita Diosca Jesustami primero rurarca. Jesusmandaca Bibliapica caitami nin:

• Jesusca, Taita Dios “tucui imatapash nara rurajpillatami, pundallata ña tiashca” (Colosenses 1:15).

• “Taita Diosca callaripica” Jesushuanmi “ima tiachumbash tucuita rurarca” (Apocalipsis 3:14).

Ñaupa callari huatacunamandallata tiaj jarimanda parlaj profeciaca Jesuspimi pactarirca (Miqueas 5:2; Mateo 2:4-6).

Cielopica shuj importante puestotami charirca. Jesusca cielopi imashina cashcata yarishpami cashna nirca: “Ñuca taitalla, nara cai pachata churashpallatami, punchapambagumi cangui nijpi canhuanga tiajurcani. Cunambash, chashnallata punchapambagumi cangui nihuayari” nircami (Juan 17:5).

Jesusca paipa Taitataca tucuipimi ayudarca. Jesusca Taita Dioshuanmi tucuita rurajurca (Proverbios 8:30). Chaimi Bibliapica Jesusmandaca cashna nin: “Jahua pachapi, cai pachapi ricunallacuna, na ricunallacunatapash ima tiachunmbash Diosca, paipaj Churihuanllatami tucuita rurashca” nijunmi (Colosenses 1:16).

Taita Diosca Jesús ayudajpimi tucuita rurarca. Angelcunata, cielota, cai alpata, tucui ima tiashcatapashmi rurarca (Apocalipsis 5:11). Ishcandi trabajashpaca shuj arquitecto, shuj maestrohuan trabajajuj cuendami carianga. Arquitecto planocunata cujpica maestromi chai planocunapi nishcashna tucuita ruran.

Dios Rimashca Shimimi carca. Cai alpaman nara shamujpica Jesustaca Dios Rimashca Shimi” nishpa nin cashcatami Bibliapica ricuchin (Juan 1:1). Cai shimicunaca Taita Dios paipa churita utilizashpa shuj angelcunaman instrucciongunata villashcatami ricuchin.

Shinallata Taita Diosca gentecunahuan parlangapapashmi Jesustaca utilizashca yarin. Jehová Diosca Jesusta utilizashpami jardín de Edenbica Adanman, Evamanbash instrucciongunata cushcanga (Génesis 2:16, 17). Tal vez Jesusllatami israelitacunata desiertopi cuidashpa ñaupaman pushajuj ángel carianga. Chaimi paitaca cazunapacha carianga (Éxodo 23:20-23).a