Jehová Diosca ¿imashinata can?

Jehová Diospi pensashpaca ¿imashina cajtata yuyapangui? ¿Shuj estrella cuenda caru carupi cajtachu pensapangui? O talvez ¿ushashca poderta charimandaca pitapash na cazuj cajtachu pensapangui? Jehová Diosca ¿imashapachata can? Bibliapica Jehová Dios imashina cajta, pai ñucanchicunamanda preocuparijtapashmi ricuchin.

1. Taita Diostaca ¿imashpata na ricui ushapanchi?

Bibliapica “Taita Diostaca pipash na ricui ushanllu” ninmi (Juan 4:24). Jehová Diosca ñucanchishna aichayu cuerpotaca na charinllu. Paica espíritu caimandami cielopi causan. Shinapash pai causajuj cielo imashapacha cajtaca na yachai ushanchichu.

2. Jehová Diosca ¿imashinata can?

Jehová Diosta na ricui ushashpapash pai imashina cajta yachajushpami paita juyai callarinchi. Bibliapica ‘Mandaj Diosca, alita ruranatami juyan. Paipalla causajcunatapash, na jichushpa saquinllu’ ninmi (Salmo 37:28). Shinallata “ninanda juyaj, llaquij” Dios cajtami ricuchin. Pipash sufrijujpicarin ashtahuanmi llaquin (Santiago 5:11). Chaimandami Bibliapica “Mandaj Diosca, shungupi ninanda llaquirishpa causajcunapaj ladopimi. Shungupi ninanda llaquirishpa causajcunatami quishpichin” nin (Salmo 34:18). Jehová Diostaca ñucanchipa ruraicunahuanmi cushichita o llaquichitapash ushanchi. Chaimandami pipash nali cosascunata rurashpaca Jehová Diostaca ninanda llaquichin (Salmo 78:​40, 41). Pero pipash ali cosascunata rurajpica Jehová Diosca ninandami cushijun (Proverbios 27:​11, liipangui).

3. Ñucanchita juyashcataca ¿imashinata Jehová Diosca ricuchin?

Jehová Diosca juyaj Diosmi can. Chaimandami Bibliapica “Taita Diosca juyaimi can” nin (1 Juan 4:8). Jehová Diosca Bibliapa nishcacunahuan, cai mundopi tiashca cosascunahuanmi ñucanchicunata juyashcataca ricuchishca (Hechos 14:​17, liipangui). Por ejemplo caipi pensaripai, ñucanchicunataca shuj shuj juyailla colorcunata ricuchun, shuj shuj musicacunatapash uyai ushachun, micunacunapipash shuj shuj saborcunata sintichunmi Jehová Diosca rurashca. Paica tucuicunallata cushilla causachunmi munan.

ASHTAHUAN YACHAJUPASHUNCHI

4. Espíritu santoca Jehová Diospa ushaimi can

Imashinami trabajangapaca ñucanchi maquicunata utilizanchi, shinallatami Jehová Diospash paipa espíritu santota utilizan. Bibliapica espíritu santo shuj gente cajtaca na ninllu. Ashtahuangarin espíritu santoca Taita Diospa ushai o poder cajtami ricuchin. Jehová Diosca chai poderta utilizashpami tucui cai alpapi tiaj cosascunata rurashca. Lucas 11:13 y Hechos 2:17​ta liishpa, cai tapuicunata contestapangui:

• Espíritu santota carahuai nishpa mañajpica Taita Diosca carangallami. Shinaca ¿espíritu santoca shuj gentechu can o Taita Diospa ushaichu can? ¿Imatata nipanguiman?

Jehová Diosca paipa espíritu santota utilizashpami shuj shuj cosascunata rurashca. Salmo 33:6 y 2 Pedro 1:20 y 21​ta liishpa, cai tapuita contestapangui:

• Jehová Diosca paipa espíritu santohuanga ¿imacunatallata rurashca?

5. Jehová Diosta rijsishpami paimanda ashtahuan yachajungapaj munapanchi

Moisesca Taita Diostaca tucui shungumi sirvijurca. Shinapash Taita Diosta ashtahuan rijsingapaj munashpami paica “canda rijsishpa cambaj ñavipi ali ricuringapaj, cunanda cambaj ñanda ricuchihuai nipanimi” nishpa mañarca (Éxodo 33:13). Jehová Diosca pai imashina cashcata ricuchishpami Moisestaca contestarca. Éxodo 34:4​manda 6​caman liishpa, cai tapuicunata contestapangui:

• Jehová Diosca ¿imashina Dios cashcatata Moisesmanga ricuchirca?

• Jehová Diosmandaca ¿imatata ashtahuan gushtapangui?

6. Jehová Diosca gentecunamandaca preocuparinmi

Punda tiempocunapica Egiptopi cashpaca israelitacunaca esclavocunami carca. Esclavocuna cashpa ninanda sufrinajujta ricushpaca ¿imashinata Jehová Diosca sintirirca? Éxodo 3:​1​manda 10​caman liishpa o grabashcata uyashpa, cai tapuicunata contestapangui:

AUDIO: Sufrijujta ricushpaca Jehová Diosca ninandami llaquirin (2:​45)

• Gentecuna sufrijujta ricushpaca ¿imashinata Jehová Diosca sintirin? (Versículo 7 y 8​ta ricupangui).

• ¿Jehová Diosca ciertopachachu gentecunataca ayudangapaj munan? ¿Ayudaita ushangacha? ¿Imamandata shina pensapangui?

7. Jehová Diospa rurashcacunata ricushpami paita ashtahuan rijsi ushapanchi

Jehová Diosca pai rurashca cosascunahuanllatami pai imashina cajtaca ricuchin. Cai VIDEOTA ricushca jipaca Romanos 1:20​ta liishpa, cai tapuita contestapangui:

VIDEO: Tucui rurashcacunami Jehová Diospa juyaita ricuchin: Ñucanchi cuerpo (1:​57)

• Jehová Diospa rurashcacunata ricushpaca ¿imatata paimandaca yachajupanchi?

YARINGAPAJ

Jehová Diosca ñucanchishna aichayu cuerpotaca na charinllu. Chaimandami paitaca na ricui ushapanchi. Jehová Dios imashinapacha cajta yachajushpaca juyaj Dios cashcatami cuenta japipanchi.

¿Imatata yachajupashcanchi?

• Jehová Diostaca ¿imamandata na ricui ushapanchi?

• Espíritu santoca ¿imata can?

• Jehová Diosca ¿imashinata can?

CAITAPASH RICUPAI

Jehová Dios imashinapacha cashcata huaquin yuyaicunata ricushpa yachajupai.

“Taita Diosca ¿imashinata can?” (Tucui gentecunapa Villajun revista 2019, Número 1)

Jehová Dios na tucui ladocunapi, na tucui cosascunapi cajta yachajupai.

“¿Taita Diosca tucui ladocunapi, tucui cosascunapichu can?” (jw.org paginapi ricupangui)

Bibliapi imamanda espíritu santota Jehová Diospa maquihuan chimbapurajta ricupai.

“Espíritu santoca ¿imata can?” (jw.org paginapi ricupangui)

Shuj ciegoguca Taita Dios paipi na preocuparin cashcatami yuyan carca. Chai yuyaita cambiachun ima ayudashcata ricupai.

“Cunanga shujcunatapashmi ayudaita ushapani” (Villajun revista, 1 de octubre de 2015)