Huañushca familiacunaca cutinmi causaringa

Pipash huañujpica ninandami llaquiripanchi. Chaimandami Bibliapica huañuica shuj contra cuendami can nin (1 Corintios 15:26). Lección 27​pica, Jehová Dios huañuita ñalla tucuchina cashcatami yachajuparcanchi. Pero huañushca gentecunahuanga ¿imashi pasanga? Cai leccionbimi Jehová Dios ashtaca millón gentecunata para siempre cushilla causachun causachina cashcata ricupashun. Huañushcacunaca causaringapachami. Pero chaica ¿ciertopachachu pactaringa? Huañushcacuna causarishpaca ¿jahua cielopi o cai alpapichu causanga?

1. Ñucanchi huañushca familiacunamandaca ¿imatata Jehová Diosca rurangapaj munan?

Jehová Diosca huañushca gentecunataca causachingapami munan. Jehová Diosta tucui shunguhuan sirvij Job runaguca, huañushcacuna cana pushtumanda Jehová Dios paita causachinataca seguropachami carca. Chaimi Jehová Diosmanga “quiquin ñucata cayajpica contestashami” nirca (Job 14:​13-15, TNM, liipangui).

2. Huañushcacuna causarinataca ¿imashinata yachapanchi?

Jesús cai alpapi cajpica Jehová Diosca huañushcacunata causachichunmi poderta curca. Chaimandami Jesusca 12 huatacunata charij cuitsaguta causachirca. Shinallata shuj viuda huarmigupa churigutapashmi causachirca (Marcos 5:​41, 42; Lucas 7:​12-15). Tiempo jipaca Jesuspa amigo Lazaropashmi huañurca. Paica chuscu punllacunatami huañushca carca. Pero shinapashmi Jesusca causachirca. Jesusca Lazarota causachingapami Jehová Diosta mañarca. Chai jipami “¡Lázaro, chaimanda llujshimui!” nishpa Lazarotaca cayarca. Shina nijpimi huañushca Lázaro “runaguca llujshimurca” (Juan 11:​43, 44). Lazaropa familiacuna, amigocunapash cutin paita ricushpaca ninandami cushijurca.

3. Quiquinba huañushca familiacunaca ¿cutin causaringacha?

Bibliapica huañushcacunata ‘Taita Dios causachinatami’ nijun (Hechos 24:​15). Jesús causachishca gentegucunaca na jahua cieloman rircachu (Juan 3:​13). Tucuicunallatami cai alpapi cutin causarishpaca cushilla sintirirca. Punda tiempopishnami, Jesusca ashtaca millón huañushca gentecunata causachinga. Paicunataca cai alpa shuj juyailla paraíso tucujpi para siempre cushilla causachunmi causachinga. Jesusca, Jehová Diospa memoriapi cajcunaca causaringami nirca. Causaj gentecuna huañushcacunata cungashca cajpipashmi, Jehová Diosca paicunata yarishpa causachinga (Juan 5:​28, 29).

ASHTAHUAN YACHAJUPASHUNCHI

4. Jesusca huañushcacunata causachingapaj poderta charishcatami ricuchirca

Jesús paipa amigo Lazarota causachingapaj imatalla rurashcata ricupai. Juan 11:14 y 38​manda 44​caman liishpa, cai tapuicunata contestapangui:

• Lázaro ciertopacha huañushca cashcataca ¿imashinata yachapanchi? (Versículo 39​ta ricupangui).

• Lázaro huañushpa jahua cieloman rishcajpica, cai alpapi cutin causachun uriajuchimushpaca ¿alitachu Jesusca rurarca?

VIDEOTA ricupai.

VIDEO: Jesusca Lázaro runagutami causachirca (1:​16)

5. Ashtacacunami cutin causaringa

Salmo 37:29​ta liishpa, cai tapuita contestapangui:

• Ashtaca ashtaca millón causarishca gentecunaca ¿maipishi causanga?

Jesusca Jehová Diosta sirvijcunatallaca na causachingachu. Paica gulpi gentecunatami causachinga. Hechos 24:15​ta liishpa, cai tapuita contestapangui:

• Huañushcacuna causarijpica ¿pitata ricungapaj munapanguiman?

Caipi pensaripai: huañushcacunata causachinaca Jesuspaca shuj taita paipa huahua puñujujta rijchachijuj cuendallami can

6. Huañushcacuna cutin causarinata yachanaca cushilla cachunmi ayudan

Jairopa ushiguhuan ima pasashcata yachanami pipash huañujpi llaqui apashca gentegucuna tranquilo sintirichun ayudashca. Chaita yachangapaca, Lucas 8:​40​manda 42​caman y 49​manda 56​caman liipangui.

Jesusca Jairopa ushiguta nara causachishpallatami “ama manllaichu. Ñucata alipacha crihuai” nircami (Versículo 50​ta ricupangui). Huañushcacuna cutin causarinata yachanaca ¿imashinata cai situaciongunapica ayudaita ushan?

• Shuj familiar o shuj amigo huañujpi

• Ñucanchi causai peligropi cajpi

VIDEOTA ricushpa, cai tapuita contestapangui:

VIDEO: “Huañushcacuna causarinata yachanami ñaupaman catichun ayudan” (3:​21)

• Huañushcacuna cutin causarinata yachanaca ¿imashinata Phelicitypa taitacunata tranquilo sintirichun ayudashca?

YARINGAPAJ

Bibliapica ashtaca millón huañushca gentecuna cutin causarinatami yachachin. Jehová Diosca huañushcacuna cutin causarichunmi munan. Chaita rurachunmi Jesusmanga poderta cushca.

¿Imatata yachajupashcanchi?

• Jehová Diospash, Jesuspash huañushcacunata causachingapaj munashcataca ¿imashinata yachapangui?

• Ashtaca millón huañushcacuna causarishpaca ¿jahua cielopi o cai alpapichu causanga? ¿Imamandata shina nipangui?

• Quiquinba familiacuna o rijsijcuna cutin causarinataca ¿imamandata seguro capangui?

CAITAPASH RICUPAI

Huañui tiajpi ama yapata llaquiringapaj imata rurai ushashcata liipai.

“Huañui tiajpi alillata sintiringapaca ¿imatata rurai ushapangui?” (¡Rijcharipaichi! revista 2018, Número 3)

Familiamanda pipash huañujpi llaquilla cajpica ¿Bibliaca ayudaita ushanlla?

Ñucanchi familiamanda pipash huañujpi (5:06)

Shuj huahuagupa familia huañujpi chai huahuaguta imashina ayudai ushashcata ricupai.

Jesusmi ñucanchita salvangapaj huañurca (2:​07)

¿Pipash jahua cielopi causangapaj causaringacha? ¿Huañushcacunamandaca tucuicunapachachu causaringa?

“Cutin causarinaca ¿imata can?” (jw.org paginapi ricupangui)