-
Jarcaicuna ricurijpipash ‘ashtaca gentecunami crishpa catinajurca’Tucui ladocunapi Taita Diospa Gobiernomanda villachipashunchi
-
-
‘Huaquin gentecunaca, Taita Diospa Ñanda catijcunataca problemata rurashpami bullayai callarirca’ (Hechos 19:23-41)
“Amigocuna, quiquingunaca alimi yachapanguichi, cai negociomi ñucanchimanga culquita ganachijun” (Hechos 19:25).
16, 17. a) Demetrio runaca ¿imatata rurarca? b) Éfeso llactamanda gentecunaca ¿imatata rurarca?
16 Cunanga Diablo imata ashtahuan rurashcata ricupashunchi. Hechos libropica Lucasca cashnami nirca: ‘Huaquin gentecunaca, Taita Diospa Ñanda catijcunataca problemata rurashpami bullayai callarirca’ nircami (Hech. 19:23).e Demetrio shuti runapa culpamandami gentecunaca bullayai callarirca. Paica plata nishca materialhuanmi trabajan carca. Paica paishnallata trabajaj cumbacunata tandachishpami, paicunataca santocunata jatunajushcamandami culquita charinchi nishpa yarichirca. Shinallata Jesusta catijcunaca chai santocunata na utilizangapaj munajtami nirca. Y apóstol Pablo predicajushca mensajeca paicunapa negociopapash nali cashcatami nirca. Chai jipami Demetrio runaca gentecunataca shinllimi shayarina canchi nirca. Porque Jesusta catijcunaca ñucanchi Ártemis diosatapash ‘ñana alabashpa’ y chai diosapa templotapash yangapimi churanajun nircami (Hech. 19:24-27).
-
-
Jarcaicuna ricurijpipash ‘ashtaca gentecunami crishpa catinajurca’Tucui ladocunapi Taita Diospa Gobiernomanda villachipashunchi
-
-
e Apóstol Pabloca “cunangarinbash huañugrinchimi yanajurcanchimi” nircami. Huaquingunaca apóstol Pabloca Éfeso llactapi cashpami cai shimicunata nishcata yuyan (2 Cor. 1:8). Pero talvez paica shuj problemacunamandami parlajushcanga. Porque paica ‘sacha animalcunahuanmi Éfeso llactapica macanajurcani’ nircapashmi. Chai shimicunataca ciertopacha animalcunamanda parlajushpa o contra gentecunamanda parlajushpami nishcanga (1 Cor. 15:32). Imashina cashca cajpipash apóstol Pabloca peligropimi carca.
-