Akapeea te Ngutuare Tangata e Mataora Ai?

AKAKITE RA TE PIPIRIA E

“E ao to kotou, te aronga i kite i teianei au tuatua, kia akono kotou i te reira.”​—Ioane 13:17, Te Bibilia Tapu Ra.

AU AKAMEITAKIANGA NOOU

Kite i te aroa mou tikai.​—Ephesia 5:28, 29.

Mareka i te akangateiteianga mou.​—Ephesia 5:33.

Rauka te tu tinamou tikai.​—Mareko 10:6-9.

KA RAUKA AINEI TE IRINAKI TIKAI I TE PIPIRIA?

Ae, e rua tumu:

• Na te Atua i akatumu i te oraanga ngutuare tangata. Te karanga ra te Pipiria e no Iehova ‘oki te ingoa i tapaia ai te kopu-tangata ravarai.’ (Ephesia 3:14, 15) Koia oki, na Iehova i akatumu i te ngutuare tangata. Eaa ra i puapinga ai te reira?

  Akamanako ana: Me reka koe i tetai kai e me inangaro koe i te kite akapeea me maani i te reira, ka ui koe ki te tangata nana i maani i te kai.

  Mei te reira katoa, kia kite akapeea te ngutuare tangata e mataora ai, e mea meitaki kia kimi i to Iehova manako no te mea, koia te tumu o te ngutuare tangata.​—Genese 2:18-24.

• Te manako maira te Atua ia koe. E mea meitaki no te au ngutuare tangata kia kimi i to Iehova manako i roto i tana Tuatua. No teaa ra? No te mea ‘te tiaki ra aia ia kotou.’ (1 Petero 5:6, 7) Kua kite a Iehova i te mea meitaki noou​—e e puapinga ua ana tana akoanga!​—Maseli 3:5, 6; Isaia 48:17, 18.