Кон исыс о Исусо?

Яхва бичадя прэ пхув Исусос. 1 Ианоскиро 4:9

Если амэ камас тэ кэрас миштыпэн Яхваскэ, амэнгэ чейнэ тэ шунаспэ Лэскирэс Чавэс. Яхва создыя лэс сыр дриван зоралэс ангилос жэ ко Адамо.

Яхва бичадя пэскирэс чавэс прэ пхув, собы ёв бияндыя дро Вифлиемо э чатэ Мариятэ. Рибёнкоскэ дынэ лав Исусо (Ианостыр 6:38).

Коли Исусо исыс прэ пхув, ёв исыс точно дасаво жэ сыр Дэвэл, ёв на сыс холямо, дриван камэлас манушэн, кэ ёв исыс локхэс тэ поджяс. Ёв на дарэласпэ тэ сыклякирэл манушэн чачипнаскэ палэ Яхвастэ.

Исусо кэрлас сарэнгэ лачипэн, нэ лэс дриван на камэнас. 1 Пэтрискиро 2:21—24

Барэ рашая дриван на камэнас Исусос пал дава, со ёв роскэрлас лэнгирэ хоханэ и холямэ делы.

Исусо састякирлас насвалэн и ґаздэлас мулэн.

Барэ рашая уракирдэ римлянэн, собы онэ измардэ и мулякирдэ Исусос.