Исусо Христосо, кон ёв?

1. Сыр о Исусо исыс создано?

Исусо нанэ сыр явир мануша. Кэ одова, сыр лэскэ тэ бияндёл прэ пхув, ёв дживэлас про болыбэн, сыр зорало ангело (Иоанна 8:23). О Дэвэл лэс создал первонэс. А потом ёв исыс сыр помошнико Дэвлэскэ, собы создать сарэ явир творении. Кокоро Яхва создал только Исусос (Иоанна 1:14). Исусо накхардо «Лавэса», палдава со ёв ракирлас лава Дэвлэстэр. Прогин Притчи 8:22, 23, 30; Колоссянам 1:15, 16.

2. Палсо Исусо явья прэ пхув?

Дэвэл болыбнастэр перилыджия Исусоскиро джиипэн дро пэр кэ иудейско ракли Мария. Ей исыс дро чая. Адава сыкавэл, со Исусотэ наисыс дадэс прэ пхув (Луки 1:30—35). Исусо явья прэ пхув собы: 1) тэ роспхэнэл чачипэн палэ Дэвлэстэ, 2) тэ сыкавэл пэскирэ примероса, сыр тэ кандэл Дэвлэс, дажэ кэдэ ада пхаро, 3) тэ отдэл пэскиро безгрешно джиипэн, ваш одова, собы тэ заплэскирэл палэ кажднонэскиро спасениё. Прогин Матфея 20:28.

3. Палсо чеинэ о выкупо?

Собы освободить манушэс мэрибнастэр, чеинэ тэ заплэскирэл тимин. Выкупо — ада тимин палэ манушэскири свобода, савэс дужакирэл мэрибэн. Ада тимин палэ манушэскиро джиипэн, савэс могут тэ умарэн (Исход 21:29, 30). Дэвэл накамья, собы мануша тэ пхурьён и тэ мэрэн. Кацыр амэ адава джинас? Дэвэл пхэндя первонэ манушэскэ Адамоскэ, если ёв скэрла грэхо, то мэрла. Нэ если бы Адамо тэ наскэрэл грэхо, то ёв никэдэ бы намэрлас (Бытие 2:16, 17; 5:5). Сыр ракирэлпэс дрэ Библия, мэрибэн «явья» дро миро через Адамостэ. Ёв перидыя сарэнгэ манушэнгэ о грэхо, и о наказаниё пал адава грэхо — мэрибэн. Амэнгэ чеинэ освободиться грэхостэр и мэрибнастэр, саво амэнгэ перидыя Адамо. Прогин Римлянам 5:12; 6:23.

Кон бы мог тэ заплэскирэл тимин, собы тэвыкинэл амэн грэхостэр и мэрибнастэр? Кэдэ мануш мэрэл, ёв плэскирэл только пал пэскирэ грэхи. Ни екх грешно мануш не можэт тэ заплэскирэл пало грэхи явирэ манушэнгирэ. Прогин Псалом 49:7—9.

4. Соскэ мэя о Исусо?

О Исусо исыс нанэ сыр амэ, ёв исыс бигрэхоскиро. Ёв никэдэ не грешил, палдава лэскэ начеинэ тэ мэрэл пал пэскирэ грэхи. Исусо мэя пало явирэ манушэнгирэ грэхи. Дэвэл сыкадя, со дриван камэл манушэн, кэдэ бичадя прэ пхув пэскирэс Чавэс, собы ёв тэ мэрэл пал амэндэ. Исусо тоже сыкадя, со амэн камэл, кэдэ кандыя Дадэс и отдэя пэскиро джиипэн палэ амарэ грэхи. Прогин Иоанна 3:16; Римлянам 5:18, 19.

Подык видео «Соскэ мэя о Исусо?»

5. Со Исусо кэрэл дадэвэс?

Кэдэ Исусо дживэлас прэ пхув, ёв высастякирлас насвалэн, рискирлас ко джиипэн мулэн, и помогал одолэнгэ, кон исыс дро биды. Адалэса Исусо сыкадя, со ёв скэрла дро будущё ваш сарэ манушэнгэ, савэ кандэн Дэвлэс (Матфея 15:30, 31; Иоанна 5:28). Кэдэ Исусо мэя, Дэвэл рискирдя лэс ко джиипэн про болыбэн, сыр зоралэс ангелос (1 Петра 3:18). После адава Исусо лэя тэ дужакирэл, кэдэ Яхва дэла лэскэ царско власть пир сари пхув (Евреям 10:12, 13). Дадывэс о Исусо правинэл про болыбэн, ёв царё, а одолэ, кон шунэн лэс роспхэнэн адая бахталы весть пир сари пхув. Прогин Даниила 7:13, 14; Матфея 24:14.

Сыго Исусо, сыр царё укэдэла пхувъятэр сарэ биды и одолэн манушэн, кон лэн кэрэл. Сарэ, кон патял дрэ Исусостэ и шунэнпэс лэс, лэна тэ дживэн прэ пхув дро раё. Прогин Псалом 37:9—11.