Палсо роспхэнэл бахталы весть?

1. Со за весть Дэвлэстыр?

Дэвэл камэл, собы амэ тэявас бахталэ. Дэвэл скэрдя пхув и саро со прэ латэ исы, палдава со ёв амэн камэл. Сыго ёв скэрла сарэ манушэнгэ лачё джиипэн. Дро миро бутыр наявэна о биды. Прогин Иеремии 29:11.

Ни екх правителё наукэдыя налаче делы, о насвалыпэна и мэрибэн. Нэ исы лачи новость. Сыго о Дэвэл укэдэла саро манушытко правительство. Ёв чувэла пэскирэс чавэс Исусос тэ правинэл сарэ мироса. Сарэ мануша явэна састэ и машкир лэндэ явэла о миро. Прогин Исаии 25:8; 33:24; Даниила 2:44.

2. Соскэ адая весть важно дрэ амарэ дэвэса?

Прэ пхув наявэна о биды, только кэдэ о Дэвэл укэдэла налачен манушэн (Софония 2:3). Кэдэ адава явэла? Дрэ Библия ракирэлпэс, со прэ пхув явэна бут биды. Дадывэс саро адякэ и исы. Адава сыкавэл, со Дэвэл сыго саро парувэла ко лачипэн. Прогин 2 Тимофею 3:1—5.

3. Со чеинэ тэ кэрэс?

Амэнгэ чеинэ тэ уґалёвас палэ Дэвлэстэ лэскирэ лавэстэр, Библиятэр. Библия ада сыр письмо дадэстэр кэ пэскирэ чавэ, савэн ёв камэл. Дрэ латэ ракирэлпэс, сыр ужэ дадывэс тыро джиипэн можэт тэявэл фэдыр, и со тэ кэрэс, собы дро будущё тэ дживэс вечно прэ пхув. Конэскэта накамэлапэс, со ту сыклёс пирэ Библия. Нэ адава будущё дриван дрого, собы лэс тэ нашавэс. Прогин Притчи 29:25; Откровение 14:6, 7.