Дэвэл, кон ёв?

1. Соскэ чеинэ тэ кандэл Дэвлэс?

Чачуно Дэвэл — ада одова, кон саро создал. Ёв исыс всегда, и никэдэ намэрла (Псалом 90:2). Именно ёв роспхэндя амэнгэ бахталы весть, сави зачиндлы дрэ Библия (1 Тимофею 1:11). Дэвэл дыя амэнгэ джиипэн, палдава амэ должны тэ кандас екхэс лэс. Прогин Откровение 4:11.

2. Со амэ джинас палэ Дэвлэстэ?

Никон манушэндэр лэс надыхтя. Палдава со Ёв дживэл про болыбэн. Одолэ, кон дживэл прэ болыбэн зоралэдыр и годьварэдыр манушэндэр (Иоанна 1:18; 4:24). Дэвлэс никэдэ наудыкхэса. Нэ ту лэс можэшь тэ уґалёс, кэдэ лэса тэ роздыкхэс одова, со ёв создал. Исы бут разна фрукты и цвяты. Адава саро сыкавэл, со ёв мудро и камэл амэн. Бари пхув и бут чергиня ракирэн пал лэскири зор. Прогин Римлянам 1:20.

Еще бутыр палэ Дэвлэстэ ту уґалёса, кэдэ лэса тэ гинэс э Библия. Дрэ латэ ракирэлпэс со Дэвэл камэл, а со нат. Сыр ёв отлыджялпэс ко мануша и сыр ёв поступает, кэдэ мануша кэрэн налаче делы и лаче. Прогин Псалом 103:7—10.

3. Исы ли Дэвлэстэ о лав?

Исусо пхэндя: «Амаро Дад про болыбэн, мэк свэнтынэлпэс тыро лав» (Матфея 6:9). Дэвлэстэ бут титулы, нэ о лав лэстэ екх. Адава лав исы только ко чачуно Дэвэл. Прэ разна чиба адава лав шунэлпэс по разному. Романэс лэс ракирэн «Яхва». Прогин Псалом 83:18.

Дэвлэскиро лав укэдэнэ дро бут переводы Библии. Адава лав парудэ про титулы Дэвэлдад и Дэвэл. Нэ кэдэ исыс начиндлы э Библия дрэ латэ Дэвлэскиро лав исыс примерно 7 000 раз. Кэдэ Исусо сыклякирлас манушэн пал Дэвлэстэ, ёв ракирлас Дэвлэскиро лав. Прогин Иоанна 17:26.

Подык видео «Исы ли Дэвлэстэ о лав?»

4. Камэл ли амэн Яхва?

Дадывэс дро миро бут биды и горё. Нэ значит ли адава со Дэвэл амэн накамэл и со лэскэ саек прэ амэндэ? Конта ракирэл со Дэвэл бичавэл прэ амэндэ биды, собы испытать амэн. Нэ адава нанэ чачипэн. Прогин Иакова 1:13.

Дэвэл камэл, собы амэ кокорэ тэ выкэдас, сыр пэс тэ лыджял, тэ кандас лэс или нат. Амэ должны тэявас благодарна лэскэ пал адава (Иисус Навин 24:15). Нэ исы бут манушэн, савэ нашунэнпэс лэс. Онэ кэрэн нанэ лаче делы явирэнгэ. Пал адава дро миро бут биды. Яхвастэ дукхал ило, кэдэ ёв дыкхэл прэ адая несправедливость. Прогин Бытие 6:5, 6.

Яхва амэн камэл. Ёв камэл, собы амэ тэ радынаспэс джиипнаскэ. Сыго Ёв укэдэла саро налачипэн и одолэн, кон адава кэрэл. Яхва адава домэкэл прэ савота времё. И прэ адава исы серьёзно причина. Сави? Пал адава роспхэнэлпэс дро 8-мо уроко. Прогин 2 Петра 2:9; 3:7, 13.

5. Сыр тэявэс кэтанэ Дэвлэса?

Яхва камэл тэявэл паш тутэ. И ваш адава амэндэ исы молитва, амэнгэ чеинэ тэ ракирас Дэвлэса. Дэвэл камэл тэ уґалёл кажнонэс манушэс (Псалом 65:2; 145:18). Яхва камэл тэ простинэл. Ёв дыкхэл, со амэ стараемся тэ радынас лэс, дажэ кэдэ амэ кэрас ошибки. Саро адава сыкавэл, со несмотря про одова, со амэ сам грешна, амэ саек можэм тэявас ближе ко Дэвэл. Прогин Псалом 103:12—14; Иакова 4:8.

Яхва дыя амэнгэ джиипэн и чеинэ тэ камас лэс бутыр сарэндэр про свэто (Марка 12:30). Собы тэ сыкавэс, со ту лэс камэс, чеинэ и дальше пал лэстэ тэ уґалёс и тэ дживэс, сыр Ёв камэл. Адякэ ту сможэшь тэявэс Яхваса кэтанэ. Прогин 1 Тимофею 2:4; 1 Иоанна 5:3.