Со явэла пхувъяса?

1. Ваш со Дэвэл создал пхув?

Яхва создал пхув вашэ манушэнгэ. Пхув — ада амаро общё кхэр. Перва мануша, Адамо и Ева, наисыс создана ваш джиипэн про болыбэн. Ваш адава Дэвэл создал ангелэн (Иов 38:4, 7). Манушэнгэ Дэвэл дэя гожо садо эдэмо, раё прэ пхув, и онэ лэнэ дрэ лэстэ тэ дживэн (Бытие 2:15—17). Яхва камья, собы перва мануша и лэнгирэ чавэ тэ дживэн прэ пхув вечно и никэдэ тэ намэрэн. Прогин Псалом 37:29; 115:16.

Сначало раё исыс только садо Эдэмо. Через савото времё ко перва мануша должны исыс тэ бияндён чаворэ, и мануша дживэнас бы пир сари пхув. Онэ бы кэрнас о раё пир сари пхув и ей явэлас бы цветущё садо (Бытие 1:28). Пхув никэда наявэла уничтожено. Ей всегда явэла амаро кхэр. Прогин Псалом 104:5.

Подык видео «Ваш со Дэвэл создал пхув?»

2. Соскэ дадэвэс нанэ раё прэ пхув?

Адамо и Ева гэнэ против Дэвлэстэ, и палдава ёв вытрадыя лэн Эдэмсконэ садостэр. Раё исыс нашадо, и пал сари манушытко история никонэскэ наудэяпэс лэс тэ рискирэл палэ. Одолэ времёстэр ко мануша холямэ илэнца исы власть прэ пхув. Прогин Бытие 3:23, 24.

Отпхэндяпэс ли Яхва одолэстэр, со задуминдя вашэ манушэнгэ? Нат! Ко Дэвэл безгранично зор. Нисо не можэт лэскэ помешать тэ скэрэл одова, со ёв задуминдя (Исаия 45:18). Яхва обязательно рискирла манушэнгэ одова, со исыс скэрдо ваш лэнгэ самонэ началостэр, и прэ пхув явэла рискирдо о раё. Прогин Псалом 37:11, 34.

3. Сыр о Раё явэла рискирдо палэ?

Раё прэ пхув явэла рискирдо дро одова времё, кэдэ о Исусо лэла тэ правинэл. Сначала Исусо кэтанэ Дэвлытконэ ангелэнца дрэ война Армагеддоно закэдэла джиипэн сарэндэр, кон джял против Дэвлэстэ. Потом ёв закэрла Налачес прэ 1 000 бэрш. Одолэ, кон шунэласпэс Дэвлэс передживэна уничтожениё, палдава со Исусо пхэнэла лэнгэ, со чеинэ тэ кэрэл, и заракхэла лэн. Онэ лэна тэ дживэн вечнэс дро Раё прэ пхув. Прогин Откровение 20:1—3; 21:3, 4.

4. Кэдэ бутыр наявэна о биды?

Кэдэ Дэвэл укэдэла пхувъятэр саро налачипэн? Исусо дэя «признако», саво помогает тэ полэл, кэдэ явэла адава времё. Дро миро адакэцык биды, со сыго манушэн наявэла прэ пхув. Саро адава сыкавэл, со амэ дживас дро «концо адалэ мироскиро». Прогин Матфея 24:3, 7—14, 21, 22.

Дро пэскиро Тысячелетнё правлениё Исусо укэдэла пхувъятэр сарэ биды (Исаия 9:6, 7; 11:9). Ёв явэла не только Царё, нэ и Первосвященнико, саво укэдэла о грэхо сарэндэр, кон камэл Дэвлэс. Адякэ через Исусостэ о Дэвэл укэдэла насвалыпэна, пхурипэн и мэрибэн. Прогин Исаии 25:8; 33:24.

5. Кон лэла тэ дживэл дро будущё Раё?

Дро Раё лэна тэ дживэн одолэ, кон шунэлпэс Дэвлэс (1 Иоанна 2:17). Исусо пхэндя пэскирэ ученикэнгэ, собы онэ тэ родэн кротконэ манушэн, савэ камэн тэ сыклён, и помочь лэнгэ, тэявэн ближе ко Дэвэл. Дадывэс Яхва сыклякирэл миллионы манушэн, собы онэ тэ дживэн дро будущё Раё прэ пхув (Софония 2:3). Дро Залы, кай скэдэнпэс Яхваскирэ Свидетели мануша сыклён тэявэн фэдыр, лаче ромэнца и дадэнца, ромненца и даенца. Родители и чаворэ кэтанэ поклоняются Дэвлэскэ и уґалён, со зачиндло дрэ Библия и сыр адава ужэ дадывэс можэт тэ кэрэл лэнгиро джиипэн фэдыр. Прогин Михея 4:1—4.