УРОК 6
Сави исы надежда ваш одолэнгэ, кон мэя?
1. Со явэла манушэнца, савэ мэнэ?
Исусостэ исыс друго, лэс кхарнас Лазарё, ёв дживэлас дрэ Вифания, гав надур Иерусалимостэр. Лазарё занасвалыя и мэя. Кэдэ явья Исусо, ёв исыс ужэ муло штар дэвэс. Кэтанэ лэскирэ пхэненца Марфаса и Марияса Исусо гэя кэ лэскири могилка. Одой скэдэяпэ бут манушэн. И сарэ дыкхнэ сыр о Исусо рискэрдя Лазарёс ко джиипэн. Только подуминэ, сыр исыс рада Марфа и Мария, кэдэ удыкхнэ, со лэнгиро пшал джидо! Прогин Иоанна 11:21—24, 38—44.
Марфа патялас, со мулэ воскреснут. Ей джиндя, со Яхва рискирла лэн ко джиипэн прэ пхув. Прогин Иов 14:14, 15.
2. Со явэла манушэса, кэдэ ёв мэрла?
Дэвэл пхэндя Адамоскэ: «Ту сан пхув и дрэ пхув рисёса» (БЫТИЕ 3:19).
Мануш исыс скэрдо «пхувъятэр» (Бытие 2:7; 3:19). Дрэ манушэстэ нанэ нисаво духо, саво дживэл, кэдэ мануш мэрэл. Кэдэ мануш мэрэл, мэрэл и лэскири годы. Лазарё воскрес, и нисо нароспхэндя пал джиипэн кэдэ исыс муло. Палдава со джиипэн после мэрибэн просто нанэ. Прогин Экклезиаст 9:5, 6, 10.
Мэнчинэл ли Дэвэл манушэн дро адо? Дрэ Библия ракирэлпэс, со мулэ ничи не чувствуют. Адско яг — ада нанэ чачипэн. Пал адава учениё мануша ракирэн прэ Дэвлэстэ одова, со ёв накэрлас. Нэ ваш Дэвлэскэ брытко тэ думинэл, собы манушэн тэ мэнчинэл. Прогин Иеремии 7:31.
Подык видео «Со явэла манушэса, кэдэ ёв мэрла?»
3. Могут ли мулэ тэ ракирэн амэнса?
О мулэ не могут ни тэ ракирэн, ни тэ шунэн (Псалом 115:17). Нэ исы налаче ангелы, савэ могут тэ ракирэн манушэнца, и онэ выдэн пэс палэ мулэндэ (2 Петра 2:4). Палдава Яхва ракирэл, со нашты тэ выкхарэл мулэн. Прогин Второзаконие 18:10, 11.
4. Кон рисёла ко джиипэн?
Рисёна ко джиипэн бут миллионы манушэн. Кэ джиипэн рисёна дажэ одолэ, кон наджиндя Дэвлэс и кэрлас нанэ адя сыр чеинэ. Прогин Луки 23:43; Деяния 24:15.
Одолэ, кон рисёна ко джиипэн смогут тэ уґалён чачипэн палэ Дэвлэстэ и тэ патян дрэ Исусостэ (Откровение 20:11—13). Кон лэла тэ кэрэл саро сыр чеинэ, смогут тэ дживэн прэ райско пхув вечно. Прогин Иоанна 5:28, 29.
5. Со ракирэл палэ Яхвастэ одова, со ёв камэл воскресить мулэн?
Дэвэл бичадя прэ пхув пэскирэс чавэс, саво мэя пал амэндэ и палдава манушэндэ исы возможность воскреснуть. Одова, со Яхва камэл воскресить мулэн ракирэл, со Ёв дриван камэл манушэн, и со Ёв лачё. Конэс ту камэс тэ удыкхэс, кэдэ мулэ рисёна ко джиипэн? Прогин Иоанна 3:16; Римлянам 6:23.