Ваш со чеинэ Дэвлэскири организация?

1. Ваш со о Дэвэл скэдэя древнё Израилё?

Одолэндэр, кон исыс после патриархостэ Авраамостэ Дэвэл скэдэя народо и дэя лэскэ законы. Ёв накхардя адава народо «Израилё» и пхэндя лэскэ тэ ракхэл чачуно поклонениё и лэскиро лав (Псалом 147:19, 20). Благодаря адалэскэ ко Дэвэл могли тэ явэн мануша сарэ народэндэр. Прогин Бытие 22:18.

Дэвэл выкэдэя израильтянэн, собы онэ тэявэн лэскирэ свидетели. История ко древнё Израилё сыкавэл, сыр мудро тэ дживэл пир Дэвлэскирэ законы (Второзаконие 4:6). Кэдэ мануша явирэ народэндэр дыкхэнас прэ израильтянэндэ, онэ тожэ могли тэ патян дрэ чачунэстэ Дэвлэстэ. Прогин Исаии 43:10, 12.

2. Ваш со Дэвэл скэдэя чачунэн христианэн дро собраниё?

Прогэя времё и Израилё нашадя Дэвлэскиро одобрениё. Яхва отпхэндяпэс одолэстэр народостэр и скэдэя христианско собраниё (Матфея 21:43; 23:37, 38). Дадывэс Яхваскирэ Свидетели чачунэ христиане, нэ дрэ ґаратуны пора ада исыс израильско народо. Прогин Деяния 15:14, 17.

Исусо припхэндя одолэнгэ, кон пал лэстэ джял тэ роспхэнэл и тэ сыклякирэл ученикэн сарэ народэндэр (Матфея 10:7, 11; 24:14; 28:19, 20). Адава миро явэла уничтожено. А бахталы весть розгэяпэс пир сари пхув. Никэдэ адасаво наисыс, собы миллионы манушэн разнонэ народэндэр тэявэн кэтанэ, нэ Дэвэл лэн скэдэя дрэ екх чачуны вера (Откровение 7:9, 10). Чачунэ христиане скэдэнэ дрэ екх организация, собы тэ подрикирэн и тэ придэн зор екх екхэскэ. Дрэ саро миро онэ сыклён пирэ Библия и пирэ екх одоя жэ программа. Прогин Евреям 10:24, 25.

3. Яхваскирэ Свидетели. Саво начало исыс кэ лэнгири современно история?

Дрэ 1870-то бэрш набари группа, сави лэя понабут тэ откэрэл чачунэ истины Библиятэр, савэ исыс нашадэ векэнца. Онэ джиндэ, со Исусо скэдэя христианско собраниё, собы весть пало Царство тэявэл роспхэнды. Палдава онэ лэнэ тэ роспхэнэн пир саро миро. Дро 1931 бэрш онэ накхардэ пэс Яхваскирэ Свидетели. Прогин Деяния 1:8; 2:1, 4, 11; 5:42.

4. Сыр организованы Яхваскирэ Свидетели?

Дро перво веко сарэ христианска собрания разнонэ странэндэр шунэнаспэс руководящё совето, саво приґалёлас Исусос Главновэса дро собраниё (Деяния 16:4, 5). Дадывэс ко Яхваскирэ Свидетели тожэ исы Руководящё совето, дрэ саво исы опытна старейшины. Руководящё совето дыкхэл пал филиалы. А дро филиалы перелыджян и вымэкэн саро со помогает тэ сыклёл пирэ Библия бутыр, чем прэ 800 чиба. Благодаря адалэскэ Руководящё совето можэт тэ дэл духовно наставлениё христианэнгэ, савэ исы примерно дрэ 110 000 собрании пир сари пхув. Дрэ кажно собраниё духовно зоралэ мурша служинэн старейшэнэнца. Онэ сарэ илэстэр подрикирэн и подэн васт сарэнгэ дрэ собраниё. Прогин 1 Петра 5:2, 3.

Яхваскирэ Свидетели скэдэнэ дрэ екх организация, собы тэ роспхэнэн бахталы весть и помогать манушэнгэ тэявэн Исусоскирэ ученикэнца. Адякэ жэ сыр и апосталы амэ роспхэнас палэ Дэвлэстэ пир кхэра (Деяния 20:20). Сарэнгэ, кон сарэ илэстэр камэл тэ уґалёл чачипэн, амэ предлагаем тэ сыклёл пирэ Библия. Нэ Яхваскирэ Свидетели нанэ просто организация. Амэ екх дружно семья, дрэ сави исы Дад, саво амэн камэл. Амэ сарэ пшала и пхэня, савэ подрикирэн екх екхэс (2 Фессалоникийцам 1:3). Яхваскирэ служители скэдэнэ кэтанэ, собы тэ кэрэн саро пир Дэвлэскири воля и тэ подрикирэн явирэн, онэ — само бахталы семья прэ пхув. Прогин Псалом 33:12; Деяния 20:35.