Со явэла религияса?

1. Сарэ ли религии лаче?

Мануша, савэ, сарэ илэстэр патян исы дрэ сарэ религии. И сыр куч, со Дэвэл дыкхэл адасавэн манушэн и подрикирэл лэн. Дрэ религия векостэр дро веко кэрласпэс налачипэн и саро адава сыкадя ла нанэ лаче стронатэр (2 Коринфянам 4:3, 4; 11:13—15). Дадывэс пиридэн дро новости, со дрэ религия кэрэлпэс терроризмо, геноцидо, марибэна и мануша зорьяса кэрэн прэ чаворэндэ и чаёрьендэ биладжякунэ делы. Ко мануша, савэ патян дрэ Дэвлэстэ дукхал ило, кэдэ онэ адава шунэн! Прогин Матфея 24:3—5, 11, 12.

Чачуны религия славинэл Дэвлэс. А хоханы религия сыклякирэл одолэскэ, со нанэ дрэ Библия. Ей роспхэнэл хохаибэн палэ Дэвлэстэ и пал одова, со кэрэлпэс манушэнца кэдэ онэ мэрэн и адалэса ладжякирэл Дэвлэс. Нэ Яхва камэл, собы мануша тэ джинэн пал лэстэ чачипэн. Прогин Иезекииля 18:4; 1 Тимофею 2:3—5.

2. Со явэла религияса?

Кэ амари бах, Дэвлэс нашты тэ хохавэс. Ёв дыкхэл адасавэн манушэн, савэ камэн лэс тэ хохавэн, онэ ракирэн, со камэн Дэвлэс, а кокорэ камэн Налаческиро миро (Иакова 4:4). Сарэ хоханэ религии дрэ Дэвлэскиро Лав накхарэнпэс «Баро Вавилоно» — сыр исыс накхардо пурано форо, дрэ одолэ дэвэса кэдэ дживэлас Ноё и лэяпэ хоханы религия. Сыго Дэвэл лэла тэ сэндынэл хоханы религия, сави хохавэл и кэрэл налачипэн манушэнгэ. Ла дужакирэл мэрибэн. Прогин Откровение 17:1, 2, 5, 16, 17; 18:8.

Ещё кучь одова, со Яхва набистырдя манушэн лаче илэнца, савэ дадывэс дрэ хоханы религия. Ёв скэдэла лэн кэ пэ и сыклякирла лэн чачипнаскэ. Прогин Михея 4:2, 5.

3. Со тэ кэрэл манушэнгэ лаче илэнца?

Яхва рипирэл манушэн, савэ камэн чачипэн и лачипэн. Ёв камэл, собы онэ тэ выджян хоханэ религиятэр. Одолэ, кон камэл Дэвлэс, камэн пэс тэ парувэн, собы лэс тэ радынэн. Прогин Откровение 18:4.

Кэдэ дрэ перво веко мануша лаче илэнца ушундэ бахталы весть Исусоскирэ апостолэндэр, онэ прилэна ла бахталэс. Онэ уґалынэ сыр тэ дживэс пир Дэвлэскири воля, онэ полынэ ваш со дживэн и лэндэ исы надежда. Адалэ христиане — лачё примеро ваш амэнгэ. Онэ пришундэпэс кэ бахталы весть и лэнэ тэ дживэн ваш Яхвастэ. Прогин 1 Фессалоникийцам 1:8, 9; 2:13.

Яхва кхарэл дрэ пэскири семья одолэн, кон накамэл тэявэл дрэ хоханы религия. Ёв тут кхарэл сарэ илэстэр, и если ту явэса, то сможэшь тэявэс лэскирэ другоса, и паш тутэ явэна лаче мануша, савэ лэс кандэн. А дро будущё ту лэса тэ дживэс вечнэс. Прогин Марка 10:29, 30; 2 Коринфянам 6:17, 18.

4. Сыр о Дэвэл кэрла манушэн прэ пхув бахталэнца?

Сыго Дэвэл укэдэла хоханы религия. Адава яндэла свобода манушэнгэ. Хоханы религия бутыр никэды налэла тэ хохавэл и тэ кэрэл кошэбэн машкир манушэндэ. Сарэ явэна сыр екх семья тэ служинэн екхэскэ чачунэскэ Дэвлэскэ. Прогин Откровение 18:20, 21; 21:3, 4.