‘E Rēko Tese tä ‘Is Kop la Rou Mij?

‘E avat ne ‘is hạipoag se garue marag ta, ‘is tēag‘esea ma ‘os hensạsiga ma ‘is ‘oaf la or. Ka ‘e avat ne tạunȧ‘ ne garue marag ta la vạhi e, ‘is kop la rou mij pạu la la‘ se utut ne ‘is la garue sin. ‘Os garue marag ta ‘eake tē la a‘fạviri. (2 Tim. 4:2) Roa ne ‘os noh ta, ‘os ava se garue marag ta täla mea‘mea‘ia. ‘Is la pō la tēag‘esea a‘fuạmamạu ma ‘os hensạsiga ‘e avat ne ‘is la garue ag‘esea ma iris ‘e garue marag ta. ‘E avat ne ‘is la rou miji se garue marag ta, iạ kel‘ạkia ‘os huạg fe‘eni ‘e ‘os agaga se  Jihova ma ‘on Le‘ ta.​—Roma 12: 11.