A‘es‘av‘ạkia jw.org ‘e Garue Marag ta​—“Become Jehovah’s Friend”

‘E jw.org ma ‘on väeag het “Bible Teachings” iạ ma ‘on ut het se lä‘riri‘i “‘Äe la Kạumane‘ag ‘on Jihova” (Become Jehovah’s Friend) te‘is laloag‘ȧk maka, vitio, ma tē la iris la rē. Ka tei ka ‘äe ‘es‘av‘ȧk vȧh tē te‘is ‘e garue marag ta? Kepoi ka ‘äe rak Puk Ha‘ ma ta o‘it ne ma ‘on lä‘riri‘, tapen se la ‘äe la kel‘ạkia se irisa? Kop ma tē te‘is la rue‘ạkia iạ la ‘io se ta tē hoi‘ȧk ‘e ‘os Web site ta.

‘E fuạp‘ȧk ne Rogrog ne Pure‘aga Npa. 38, sạsig fāat hạipoag ma hạnit ne kamat la hatia tract ta ‘e avat ne iạ sap‘ȧk se‘ se ia. Le‘ he his ‘e ‘on lä‘riri‘i pa ‘es la hat tape‘ma ‘e tract ta. Ma tä sạsig fā ta sui‘ȧk a‘luạk tē ‘e ‘on laloga ma tä iạ kel‘ạkia ‘os Web site ta ‘e fạ‘ heta. ‘E rēko hȧn ta ‘oaf, iạ a‘es‘av‘ạkia ‘on telefon heta la kel‘ạkia se hȧn ta ma ‘on lä‘riri‘i, ta vitio het ‘e vitio ‘on Kelepi.

Sạsiạg hạnit fäeag‘ạkia ‘os Web site ta ma rogrog ne mou se kạunohoga ‘e ‘on laloga se ta hạnit ne garue ma iạ ne ma ‘on lä‘riri‘. Ma tä hȧn ta ma ‘on lä‘riri‘ ta la‘ se jw.org. ‘E ‘on fakmuri, iạ ‘ea se sạsiạg hȧn ta ne ‘on lä‘riri‘ ta suạsuạ‘ia mak ta “Preach the Word,” ‘e ‘oris hanue ta, mak het ‘e ut te‘ “Become Jehovah’s Friend.”

A‘mamnạkia ‘äe se ut te‘ ‘e jw.org ma download vitio, maka, ne tē ne la rē se ‘ou telefon heta. Ma ‘äe täla iạtiạt‘ia la a‘es‘av‘ạkia ut te‘ ‘e jw.org ‘e garue marag ta. Te‘is tē garueag pumuet ne la hạiasoagan ‘is la agag se Gagaja!​—Garue 20:19.