16 Imbwa zankikuje+,

zansatiriye nk’akagwi k’inkozi z’ikibi+,

zantonze ku maboko no ku maguru nk’intambwe+.

18 Bagabura impuzu zanje,

bagapfindira ivyambarwa vyanje+.

 7 Yaracinyizwa+, akemera gutezwa amarushwa+,

ariko ntakureko umunwa.

Yazanywe nk’intama igiye kubagwa+,

nk’intama y’ingore yinumiye imbere y’abayimwa ubwoya,

ntakureko umunwa+.

 8 Yaracinyijwe, bamukuraho bamuciriye urwa ngondagonde.

Ni nde azokwitaho ido n’ido ry’amamuko yiwe*?

Kuko yakuwe mu gihugu c’abazima+.

Yarakubiswe* azira ibicumuro vy’abantu banje+.

 9 Naho ata kosa* yari yarakoze

kandi mu kanwa kiwe ntihaboneke ububeshi+,

yahawe imva* mu babisha+,

ahambwa mu batunzi*+.