Amatangazo

◼ Ibisohokayandikiro vyo gushikiriza muri Kigarama: Ubumenyi Bujana mu Buzima Budahera na Bibiliya Traduction du monde nouveau. Nzero: Igitabu c’impapuro 192 ico ari co cose casohowe imbere y’1986 ishengero ryoba rifise mu bubiko. Amashengero afise igitabu L’humanité à la recherche de Dieu arashobora kandi kugitanga. Ruhuhuma: La vie: comment est-elle apparue? Évolution ou création?, Révélation: le grand dénouement est proche?, canke igitabu c’impapuro 192 ico ari co cose ishengero rifise mu bubiko. Ntwarante: Ubumenyi Bujana mu Buzima Budahera. Hazogirwa akigoro kadasanzwe ko gutanguza inyigisho za Bibiliya zo ku mihana.

◼ Amashengero akwiye gutangura gusaba imbumbe z’Umunara w’Inderetsi na Réveillez-vous! zo mu 2000 kuri komande yayo y’ibisohokayandikiro yo muri Kigarama. Izo mbumbe zizoboneka mu Congereza no mu Gifaransa. Gushika aho izo mbumbe zizobonekera kandi zikarungikwa, ku mpapuro zibitekeye hazoguma handitsweko “Biri mu Nzira.” Imbumbe ni ibisohokayandikiro bisabwa mu buryo budasanzwe.

◼ Udukaratasi tw’ubutumire bw’Icibutso co mu 2001 mu rurimi rukoreshwa n’ishengero tuzorungikanwa n’amafomu arungikwa ku mwaka ku mwaka. Nimba hari izindi ndimi zivugwa mu cibare canyu, mukaba mwipfuza kuzironkamwo udukaratasi tw’ubutumire, ivyo bikwiye guca bisabwa mu maguru masha kuri ya Fomu y’Ugusaba Ibisohokayandikiro (S-14). Udukaratasi tw’ubutumire bw’Icibutso turaboneka mu Congereza, mu Gifaransa, mu Gihindi, mu Gipunjabi, mu Giswahili, mu Kigujarati, no mu Kirundi. Turabasavye mugire komande y’udukaratasi two mu ndimi zikenewe mu cibare canyu.

◼ Itondanuza ry’ibisohokayandikiro n’ibinyamakuru vyose mufise rigirwa uko umwaka utashe rikwiye kugirwa kw’igenekerezo rya 31 Kigarama 2000 canke hafi yaryo hashoboka. Iryo tondanuza risa na rimwe rigirwa ku kwezi ku kwezi n’umuhuzabikorwa w’ibisohokayandikiro, kandi igitigiri ca vyose hamwe gikwiye gushirwa kuri fomu y’Itondanuza ry’Ibisohokayandikiro (S-18). Igitigiri c’ibinyamakuru vyose mufise mushobora kukironka mugikuye ku bajejwe ibinyamakuru mw’ishengero rimwerimwe ryose mu mugwi usangiye ibisohokayandikiro. Ishengero rimwerimwe ryose rihuza ibikorwa rizoronka amafomu atatu y’Itondanuza ry’Ibisohokayandikiro (S-18). Turabasavye murungikire Sosiyete iyo hejuru bitarenze ku wa 6 Nyakanga. Nimuzigame ikopi yandikishijwe na karuboni mu madosiye yanyu. Ikopi igira gatatu yoshobora kuba urukaratasi mukoresha. Umunyamabanga w’ishengero rijejwe guhuza ibikorwa akwiye guhagarikira iryo tondanuza. Umunyamabanga n’umucungezi muhagarikizi b’iryo shengero rijejwe guhuza ibikorwa bazoshira umukono kuri iyo fomu.