Amatangazo

◼ Ivyo tuzoshikiriza muri Mukakaro: Abamamaji boshobora gushikiriza kamwe muri utu dutabu tw’impapuro 32: Inkuru nziza iva ku Mana, Niwumvirize Imana canke Niwumvirize Imana maze ubeho ibihe bidahera. Myandagaro: Isekeza ridasanzwe ryo gushikiriza agapapuro k’inkuru nziza gashasha kamenyesha ibijanye n’umuhora wo kuri Internet wa jw.org. Nyakanga na Gitugutu: Ibinyamakuru Umunara w’Inderetsi na Be maso!

◼ Kubera ko muri Myandagaro tuzoba turiko turabwira abantu ibijanye n’umuhora wacu wa jw.org, vyoba vyiza tugize uko dushoboye kwose tukamenya kuwukoresha. (Rom. 2:21) Nimba wipfuza kumenya kuwukoresha ariko ukaba utazi ingene wobigira, ntiwitinye kubaza umukurambere.