• Hari Aho Worokora Umuvukanyi Wawe
    Umunara w’Inderetsi—1999 | 1 Munyonyo

    • 5, 6. Duhuje n’ivyanditswe bihakikije, muri Matayo 18:15 havuga ubuhe bwoko bw’ivyaha, kandi ivyo vyerekanwa n’iki?

      5 Mu vy’ukuri, ivyo Yezu yahanuye vyerekeye ingorane zikomakomeye kuruta. Yezu yavuze ati: “Mugenzawe agucumuyeko.” Mu nsobanuro yagutse, “igicumuro” gishobora kuba ikosa iryo ari ryo ryose. (Yobu 2:10; Imigani 21:4; Yakobo 4:17) Ariko rero, imirongo ibikikije yerekana yuko igicumuro Yezu yashaka kuvuga gitegerezwa kuba cari igikomeye. Cari gikomeye bihagije ku buryo cari gutuma uwagikoze abonwa nk’ “[umunyamahanga] canke nk’umutozakori.” None iryo ryungane rishaka kuvuga iki?

      6 Abigishwa ba Yezu bumvise ayo majambo bari bazi yuko abanyagihugu baho batokwifatanya n’abo mu bapagani. (Yohana 4:9; 18:28; Ivyakozwe 10:28) Kandi baririnda rwose abatozakori, bakaba bari abantu bavutse ari Abayuda mugabo bahavuye bahinduka abantu bafata nabi abanyagihugu. Muri Matayo 18:15-17 rero herekeza canecane ku vyaha bikomakomeye, si ku dukosa dutoduto canke ibibabaza umuntu, bimwe ushobora gusa guharira ukavyibagira.—Matayo 18:21, 22.a

  • Hari Aho Worokora Umuvukanyi Wawe
    Umunara w’Inderetsi—1999 | 1 Munyonyo

    • a Igitabu Cyclopedia ca McClintock na Strong kivuga giti: “Abatozakori bo mw’Isezerano Rishasha babonwa nk’abaguranyi n’abahuni, bahumanijwe n’ukwama bagenderanira n’abashenzi, bakabonwa nk’ibikoresho vyoroshe vy’abanyagahotoro. Wasanga bashirwa hamwe n’abanyavyaha. . . . Kubera ko bakumirwa, abantu babaho rupfasoni ntibifatanya na bo, abagenzi babo canke abo vyagendana wabasanga mu bari barahariwe ivomo nka bo.”