² Buri mwaka, abantu amamiliyoni kw’isi yose turahurira hamwe kugira twibuke urupfu rw’umuntu dukunda cane, ari we Yezu Kristu. (1 Pet. 1:8) Turahurira hamwe kugira twibuke uwahevye ubuzima bwiwe akadutangira incungu kugira adukize igicumuro n’urupfu. (Mat. 20:28) Nkako, Yezu yashaka ko abayoboke biwe bibuka urupfu rwiwe. Mw’ijoro ry’imbere y’uko apfa, yaratanguje imfungurwa zo ku mugoroba zidasanzwe, aca ategeka ati: “Muragume mugira ibi mu kunyibuka.”b​—Luka 22:19.