4, 5. Paulo be n’abo bari kumwe biboneye gute ubuyobozi bw’impwemu nyeranda?

⁴ Icigwa ca mbere ni ic’uko intumwa zagumye ziri maso ku buyobozi bujanye n’aho zari kwamamaza. Mu nkuru imwe, turiga ukuntu Yezu yakoresheje impwemu nyeranda yahawe na Yehova, kugira ngo ayobore intumwa Paulo be n’abari kumwe na we ku rugendo rudasanzwe bariko. (Ivyak. 2:33) Nimuze tubakurikire.​—Soma Ivyakozwe 16:6-​10.

⁷ Ico gihe, abo bagabo barafashe ingingo ishobora kuba yasa n’iyitumvikana. Umurongo wa 8 utubwira uti: “Baca iruhande ya Misiya bamanuka i Tirowa.” Izo ngenzi zaciye zijana mu burengero maze zigenda n’amaguru urugendo rw’ibilometero 563, zirengana igisagara zirengana ikindi gushika zishikiriye ikivuko c’i Tirowa, aho zari guca zigenda n’ubwato zija i Makedoniya. Aho ni ho Paulo na bagenzi biwe bagerageje ubugira gatatu, mugabo ico gihe hoho vyaciye bigenda neza! Umurongo wa 9 urigana ivyashitse mu nyuma uti: “Mw’ijoro Paulo arerekwa: umugabo umwe w’Umunyamakedoniya yari ahagaze amwinginga, ati: ‘Jabuka uze i Makedoniya, udufashe.’” Paulo yari agiye yamenya aho aja kwamamaza. Ata gutebagana, abo bagabo baciye bafata ubwato baja i Makedoniya.