Imigani

21 Umutima w’umwami ni nk’imigende y’amazi mu kuboko kwa Yehova;+ awerekeza aho ashaka hose.+

2 Inzira z’umuntu zose ziba zimutunganiye,+ ariko Yehova ni we ugera imitima.+

3 Gukora ibyo gukiranuka no guca imanza zitabera ni byo Yehova yishimira kuruta ibitambo.+

4 Amaso y’ubwibone n’umutima wirata,+ ari byo rumuri rw’ababi, ni icyaha.+

5 Imigambi y’umunyamwete izana inyungu,+ ariko umuntu uhubuka ntazabura gukena.+

6 Ubutunzi abantu baronka bakoresheje ururimi rubeshya ni nk’umwuka ujyanwa n’umuyaga;+ bene abo baba bashaka urupfu.+

7 Ubusahuzi bw’ababi buzaboreka,+ kuko banze gukurikiza ubutabera.+

8 Umuntu wayobye agoreka inzira ze,+ ariko umuntu uboneye we akiranuka mu byo akora.+

9 Ibyiza ni ukwibera mu mfuruka y’igisenge+ kuruta kubana mu nzu n’umugore w’ingare.+

10 Umuntu mubi ararikira ibibi,+ kandi ntagaragariza mugenzi we ineza.+

11 Guca icyiru umukobanyi bituma utaraba inararibonye aba umunyabwenge,+ kandi iyo wigishije umunyabwenge kugira ubushishozi bituma yunguka ubumenyi.+

12 Ikiranuka ni yo igenzura inzu y’umuntu mubi,+ ikagusha ababi bakagerwaho n’amakuba.+

13 Umuntu wese wiziba amatwi kugira ngo atumva gutaka k’uworoheje,+ na we azataka abure umutabara.+

14 Impano itangiwe ahiherereye icubya uburakari,+ kandi impongano itanzwe mu ibanga+ icubya umujinya mwinshi.

15 Umukiranutsi ashimishwa no gukurikiza ubutabera,+ ariko inkozi z’ibibi zizagerwaho n’ibintu biteye ubwoba.+

16 Umuntu uyoba akava mu nzira y’ubushishozi+ azaruhukira mu iteraniro ry’abapfuye batagira icyo bimarira.+

17 Ukunda ibinezeza azakena,+ kandi ukunda divayi n’amavuta ntazaronka ubutunzi.+

18 Umuntu mubi aba incungu y’umukiranutsi,+ kandi uriganya ajya mu cyimbo cy’abagendera mu nzira itunganye.+

19 Ibyiza ni ukwibera mu butayu kuruta kubana n’umugore w’ingare mu mihangayiko.+

20 Amavuta n’ubutunzi bwifuzwa biba mu nzu y’umunyabwenge,+ ariko umupfapfa arabisesagura.+

21 Ukurikira gukiranuka+ n’ineza yuje urukundo azabona ubuzima, gukiranuka n’icyubahiro.+

22 Umunyabwenge yuriye umugi w’abanyambaraga kugira ngo acogoze imbaraga wishingikirizaho.+

23 Urinda akanwa ke n’ururimi rwe aba arinze ubugingo bwe ibyago.+

24 Umunyakizizi bamwita umwibone n’umwirasi wiyemera.+

25 Kurarikira k’umunebwe kuzamwicisha, kuko yanze gukoresha amaboko ye.+ 26 Yiriza umunsi wose ararikiye cyane, ariko umukiranutsi aratanga ntagire icyo yimana.+

27 Igitambo cy’ababi ni ikintu cyangwa urunuka,+ kandi kirushaho kwangwa iyo umuntu akizanye afite imyifatire y’ubwiyandarike.+

28 Umuhamya ushinja ibinyoma azarimbuka,+ ariko umuntu wumva azavuga iteka ryose.+

29 Umuntu mubi ntagira isoni,+ ariko umukiranutsi azashimangira inzira ze zikomere.+

30 Nta bwenge, nta n’ubushishozi cyangwa imigambi by’umuntu urwanya Yehova.+

31 Ifarashi itegurirwa umunsi w’urugamba,+ ariko Yehova ni we utanga agakiza.+