ISOMERO RYO KURI INTERINETI rya Watchtower

Zab. 22:Amagambo abanza-31

Bibiliya—Ubuhinduzi bw’isi nshya
- Ku mutware w’abaririmbyi b’Imparakazi yo mu museke. Indirimbo ya Dawidi.
  
  22 Mana yanjye, Mana yanjye, ni iki cyatumye untererana?+
  Kuki uri kure ntuntabare,+
  Ntiwumve amagambo yo gutaka kwanjye?+
  
  2 Mana yanjye, ku manywa nkomeza kuguhamagara ntiwitabe;+
  Nijoro na bwo sinceceka.+
  
  3 Ariko uri uwera,+
  Ukikijwe n’ibisingizo bya Isirayeli.+
  
  4 Ba data barakwiringiye;+
  Barakwiringiye, nawe ukomeza kubakiza.+
  
  5 Baragutakiye+ maze bararokoka ntibagira icyo baba;+
  Barakwiringiye ntibakorwa n’isoni.+
  
  6 Ariko jye ndi umunyorogoto,+ si ndi umuntu;
  Ndi igitutsi mu bantu, kandi ndi umunyagisuzuguriro.+
  
  7 Abandeba bose barannyega.+
  Bakomeza kumpema bakanzunguriza umutwe,+ bavuga bati
  
  8 “Dore yishyize mu maboko ya Yehova,+ ngaho namurokore!+
  Ngaho namukize ubwo yamwishimiye!”+
  
  9 Kuko ari wowe wankuye mu nda ya mama,+
  Ni wowe watumye ngira icyizere nkiri ku ibere.+
  
  10 Ni wowe wanyitayeho nkivuka;+
  Uhereye igihe naviriye mu nda ya mama ni wowe Mana yanjye.+
  
  11 Ntukomeze kuba kure yanjye kuko nugarijwe n’amakuba,+
  Kubera ko nta wundi mutabazi mfite.+
  
  12 Ibimasa byinshi by’ibisore birangose;+
  Ibimasa bifite imbaraga by’i Bashani birankikije.+
  
  13 Biranyasamiye,+
  Bimeze nk’intare itanyagura umuhigo wayo kandi itontoma.+
  
  14 Nasutswe nk’amazi,+
  Amagufwa yanjye yose yaratandukanye,+
  Umutima wanjye wabaye nk’igishashara,+
  Washongeye mu nda yanjye.+
  
  15 Imbaraga zanjye zumye nk’ikimene cy’ikibumbano,+
  N’ururimi rwanjye rwafatanye n’urusenge rw’akanwa.+
  
  Kandi unshyira mu mukungugu w’urupfu,+
  
  16 Kuko imbwa zingose.+
  Iteraniro ry’abagizi ba nabi rirankikije;+
  
  Bacakiye ibiganza n’ibirenge byanjye+ nk’intare.
  
  17 Amagufwa yanjye yose nshobora kuyabara.+
  Baranyitegereza bakantumbira.+
  
  18 Bigabanya imyenda yanjye,+
  Bagakoresha ubufindo kugira ngo bagabane imyambaro yanjye.+
  
  19 Ariko wowe Yehova ntugume kure yanjye,+
  Wowe mbaraga zanjye,+ banguka untabare.+
  
  20 Ukize ubugingo bwanjye inkota,+
  Ukize ubugingo bwanjye bw’agaciro, ubukure mu nzara z’imbwa.+
  
  21 Nkiza unkure mu kanwa k’intare,+
  Unsubize kandi unkize amahembe y’ibimasa by’ishyamba.+
  
  22 Nzabwira abavandimwe banjye+ izina ryawe;+
  Nzagusingiriza hagati y’iteraniro.+
  
  23 Mwa batinya Yehova mwe, nimumusingize!+
  Mwa rubyaro rwa Yakobo mwese mwe, nimumuheshe icyubahiro!+
  
  Mwa rubyaro rwa Isirayeli mwese mwe, nimuhindire umushyitsi imbere ye,+
  
  24 Kuko atigeze asuzugura+ imibabaro y’imbabare,
  Cyangwa ngo imutere ishozi.+
  Ntiyamuhishe mu maso he,+
  Kandi igihe yamutakiraga yaramwumvise.+
  
  25 Nzagusingiriza mu iteraniro rinini ku bw’ibyo wakoze;+
  Imihigo yanjye nzayihigurira imbere y’abagutinya.+
  
  26 Abicisha bugufi bazarya bahage;+
  Abashaka Yehova bazamusingiza.+
  
  Imitima yanyu irakabaho iteka ryose.+
  
  27 Impera z’isi zose zizibuka Yehova kandi zimugarukire.+
  Imiryango y’amahanga yose izikubita imbere yawe;+
  
  28 Kuko ubwami ari ubwa Yehova;+
  Ni we utegeka amahanga.+
  
  29 Ababyibushye bo mu isi bose bazarya kandi bazikubita hasi bubamye;+
  Abamanuka bajya mu mukungugu bose bazamwunamira,+
  
  Kandi nta n’umwe uzarokora ubugingo bwe.+
  
  30 Urubyaro ruzamukorera;+
  Ab’igihe kizakurikiraho bazabwirwa ibihereranye na Yehova.+
  
  31 Bazaza bavuge ibyo gukiranuka kwe,+
  Babwire abazavuka ko ari we wabikoze.+

Yesaya 53:1-12

Bibiliya—Ubuhinduzi bw’isi nshya
- 53 Ni nde wizeye ibyo twumvise?+ Kandi se ukuboko kwa Yehova+ kwahishuriwe nde?+ 2 Azazamuka nk’umushibu+ imbere y’umureba, azamuke nk’umuzi uva mu butaka bwakakaye. Ntiyari ahambaye mu gihagararo, nta n’ubwiza buhebuje yari afite.+ Kandi igihe tuzamureba, tuzabona adafite isura ishishikaje ku buryo twamwifuza.+
  
  3 Abantu baramusuzuguraga bakamuhunga,+ kandi yari azi imibabaro amenyereye n’indwara;+ yari ameze nk’uwo twima amaso tudashaka kumureba.+ Yarasuzugurwaga kandi twamufataga nk’utagira umumaro.+ 4 Ni ukuri, yishyizeho indwara zacu+ kandi yikoreye imibabaro yacu.+ Ariko twebwe twamufataga nk’uwibasiwe+ n’Imana, agakubitwa na yo+ kandi ikamubabaza.+ 5 Ariko ibicumuro byacu+ ni byo yaterewe icumu,+ kandi ibyaha byacu ni byo yashenjaguriwe.+ Igihano yahawe cyari icyo kuduhesha amahoro,+ kandi ibikomere bye+ ni byo byadukijije.+ 6 Twese twari twarayobye nk’intama;+ twari twarahindukiye buri wese anyura inzira ye. Nuko Yehova aba ari we ashyiraho ibyaha byacu.+ 7 Yari asumbirijwe+ yemera kubabazwa,+ nyamara ntiyabumbuye akanwa ke. Yajyanywe nk’intama ijya kubagwa,+ kandi nk’uko umwana w’intama ucecekera imbere y’uwukemura ubwoya, ni ko na we atigeze abumbura akanwa ke.+
  
  8 Yagiriwe nabi cyane kandi akurwaho bitewe n’uko ataciriwe urubanza rukwiriye.+ None se ni nde uzita ku byabaye mu gihe cye,+ ko yakuwe+ mu gihugu cy’abazima?+ Ibicumuro+ by’ubwoko bwanjye ni byo yakubitiwe.+ 9 Napfa azahambanwa n’ababi+ hamwe n’abakire,+ nubwo nta rugomo yigeze agira+ kandi ntihagire ikinyoma kiboneka mu kanwa ke.+
  
  10 Nyamara Yehova yishimiye kumushenjagura,+ yemera ko arwara.+ Nutanga ubugingo bwe ho igitambo cyo gukuraho urubanza,+ azabona urubyaro rwe+ yongere n’iminsi yo kubaho kwe,+ kandi ukuboko kwe kuzasohoza+ ibyo Yehova yishimira.+ 11 Kubera ko ubugingo bwe bwababajwe, azabona+ ibyiza, anyurwe.+ Kubera ubumenyi bwe, umugaragu wanjye+ ukiranuka azatuma abantu benshi babarwaho gukiranuka,+ kandi azikorera ibyaha byabo.+ 12 Ni yo mpamvu nzamuhana umugabane n’abantu benshi+ kandi azagabana iminyago n’intwari,+ kubera ko yatanze ubuzima bwe.*+ Yabaranywe n’abanyabyaha+ kandi we ubwe yikoreye ibyaha by’abantu benshi,+ yitangira abanyabyaha.+

Yohana 20:27

Bibiliya—Ubuhinduzi bw’isi nshya
- 27 Hanyuma abwira Tomasi ati “shyira urutoki rwawe hano, kandi urebe ibiganza byanjye, uzane n’ikiganza cyawe+ ugishyire mu rubavu rwanjye maze ureke gushidikanya, ahubwo wizere.”