6 Icyo ni igitambo gitwikwa n’umuriro+ kigatanga impumuro nziza cyategekewe ku Musozi wa Sinayi. Ni igitambo gitwikwa n’umuriro giturwa Yehova buri munsi. 7 Buri sekurume y’intama ikiri nto ijye itambanwa n’ituro rya divayi rijya kungana na litiro imwe.+ Ituro rya divayi mujye murisuka ahera ribe irya Yehova.

11 “‘Mu ntangiriro za buri kwezi, mujye mutambira Yehova ibimasa bibiri bikiri bito n’isekurume y’intama, n’amasekurume y’intama arindwi adafite ikibazo, afite umwaka umwe,+ bibe igitambo gitwikwa n’umuriro.

14 Naho ku birebana n’amaturo ya divayi, ikimasa+ kizatambanwe na divayi ingana na litiro hafi ebyiri.*+ Isekurume y’intama izatambanwe na divayi ingana na litiro imwe irengaho gato.*+ Isekurume y’intama ikiri nto, izatambanwe na divayi yenda kungana na litiro imwe. Icyo ni cyo gitambo gitwikwa n’umuriro kizajya gitambwa buri kwezi mu mezi yose y’umwaka.