• Yobu 38:8-11
    Bibiliya y’Ubuhinduzi bw’Isi Nshya

    •  8 Ni nde washyiriyeho inyanja aho itagomba kurenga,+

      Igihe yazaga iturutse mu masoko yayo?

       9 Wari uri he igihe nashyiragaho ibicu ngo biyitwikire,

      Kandi hejuru yayo nkahashyira umwijima mwinshi cyane?

      10 Wari uri he igihe nayishyiriragaho imipaka,

      Nkayishyiriraho inzugi n’ibyo kuyikingisha,+

      11 Maze nkayibwira nti: ‘garukira aha ntuharenge,

      Kandi aha ni ho imiraba* yawe ikaze igomba kugarukira?’+

  • Zab. 104:6-9
    Bibiliya y’Ubuhinduzi bw’Isi Nshya

    •  6 Wayitwikirije amazi menshi nk’umwenda.+

      Amazi yari atwikiriye imisozi,

       7 Urayacyaha atangira guhunga,+

      Yumvise urusaku rw’inkuba yawe agira ubwoba bwinshi arahunga.

       8 Imisozi irazamuka,+ ibibaya biramanuka,

      Maze amazi ajya aho wayateguriye.

       9 Wayashyiriyeho imipaka atagomba kurenga,+

      Kugira ngo atongera kurengera isi.

  • Yeremiya 5:22
    Bibiliya y’Ubuhinduzi bw’Isi Nshya

    • 22 Yehova aravuga ati: ‘ese nta nubwo muntinya?

      Ese ntimwagombye gutitira muri imbere yanjye?

      Ni njye washyize umucanga aho inyanja igarukira,

      Rikaba ari itegeko ridahinduka idashobora kurengaho.

      Nubwo imiraba yayo yazana imbaraga nyinshi nta cyo yabikoraho

      Kandi nubwo yakwibirindura, ntishobora kuharenga.+