Umutwe wa 11

Uyu mutwe utwinjiza mu Byanditswe by’Ikigiriki bya Gikristo. Yesu yavukiye mu muryango woroheje wabaga mu mujyi muto. Yakoranaga na papa we wari umubaji. Yesu ni we wari kuzakiza abantu. Yehova yari yaramutoranyije ngo azabe Umwami w’Ubwami bwo mu ijuru. Niba uri umubyeyi, fasha umwana wawe kumenya uko Yehova yatoranyije yitonze umuryango Yesu yari gukuriramo. Musuzume uko Yehova yarinze Yesu kugira ngo Herode atamwica n’ukuntu nta gishobora gutuma ibyo Yehova yapanze bitaba. Murebe uko Yehova yahaye Yohana inshingano yo kubwira abantu ko Mesiya ari hafi kuza. Musobanurire ko kuva Yesu akiri muto yagaragaje ko yakundaga inyigisho zirangwa n’ubwenge za Yehova.