Ibisobanuro ahagana hasi ku ipaji

a “Itandukaniro ry’ingenzi riri [hagati ya Yesu n’Abafarisayo], rigaragazwa neza n’ukuntu basobanukirwaga iby’Imana mu buryo bubiri buhabanye. Dukurikije uko Abafarisayo babibonaga, Imana ishinzwe mbere na mbere gushyiraho amategeko; na ho Yesu we yabonaga ko irangwa n’ubugwaneza kandi ikagira impuhwe. Birumvikana ko Umufarisayo atahakanaga ko Imana igira neza kandi ikarangwa n’urukundo, ariko kuri we, ibyo byagaragarijwe mu mpano ya Tora [y’Amategeko] kandi bigaragazwa n’uko umuntu ashobora kubahiriza ibyasabwe muri ayo mategeko. . . . Abafarisayo babonaga ko kwizirika ku migenzo itanditswe, hamwe n’andi mategeko asobanura Amategeko yanditswe, ari uburyo bwo kubahiriza Tora. . . . Kuba Yesu yarashyize hejuru itegeko rikubiyemo abiri ry’urukundo (Mat 22:34-40), ku buryo ryabaye ihame ryemewe risobanura amategeko yose, hamwe no kuba yaramaganaga imigenzo itanditswe itagoragozwa . . . byatumye atavuga rumwe n’inyigisho za Gifarisayo zihereranye n’umutimanama hamwe n’imyifatire.”​—Byavuye mu nkoranyamagambo yitwa The New International Dictionary of New Testament Theology.